મેઘધનુષ

       આજે મહાવદ આઠમ

આજનો સુવિચાર :- આશાવાદ એ એવી શ્રદ્ધા છે કે જે પ્રાપ્તિ કરાવે છે, શ્રદ્ધા કે આશા વિના કશું જ શક્ય નથી.— હેલન કેલર

હેલ્થ ટિપ્સ:- પેરૂના પાનને દસ મિનિટ પાણીમાં ઉકાળી ગાળી અને માઉથવૉશ તરીકે ઉપયોગ કરવો.

                      કીચન     ટીપ્સ

• સૂકામેવાને કાપતા પહેલાં કાતર કે ચાકુને હૂંફાળા પાણીમાં પલાળી દો. સૂકામેવા સરળતાથી કપાઈ જશે.

• ટામેટાનો સૂપ બનાવતી વખતે એમાં બીટનો એક ટુકડો નાખી દો. સૂપનો રંગ અને સ્વાદ બંને બદલાઈ જશે.

• રીંગણ કે કોઈ અન્ય શાક કાળા ન પડી જાય એ માટે એમાં એક ચમચી દૂધ ભેળવી દો. શાકનો રંગ જળવાઈ રહેશે.

• ગ્રેવી યુક્ત શાક બનાવતી વખતે એમાં ટામેટા સાથે થોડો ટોમેટો સૉસ પણ નાખો. સ્વાદ સાથે રંગ પણ નિખરી ઊઠશે.

• મગની દાળના વડા બનાવતી વખતે એના ખીરામાં 1 થી 2 ચમચી કોથમીર નાખો. વડા સ્વાદિષ્ટ બનશે.

• દહીંવડા માટે દહીં જમાવતી વખતે દૂધમાં બે ઈલાયચી વાટીને નાખવાથી દહીંવડા સ્વાદિષ્ટ લાગશે અને દહીં ખારું પણ નહી થાય.

• ગ્રેવી કલરફુલ બનાવવા કાંદાને બ્રાઉન થાય ત્યાં સુધી સાંતળી તેને ટામેટા સાથે વાટી લેવા.

• આઈસ્ક્રીમ બનાવતી વખતે નેમાં થોડો મિલ્ક પાઉડર ભેળવવાથી આઈસક્રીમ ઘટ્ટ બનશે.

• કાદાને સાંતળતી વખતે થોડી સાકર ઉમેરવાથી કાંદા જલ્દી બ્રાઉન થશે. અને મીઠાશ ઉમેરાશે.

• સમોસા કે કચોરીનો લોટ બાંધવા પાણીની જગ્યાએ ભાતનાં ઓસામણથી બાંધવામાં આવે તો સમોસા કે કચોરી કડક થશે.

• બ્રેડનાં પકોડાને સ્વાદિષ્ટ બનાવવા બ્રેડને પ્રથમ દૂધમાંબોળવો પછી ચણાના લોટમાં બોળી તળવા.

• સાકરને વાસણમાં ગરમ કરવી. બ્રાઉન રંગની થાય ત્યારે નીચે ઉતારી કેકનાં મિશ્રણમાં ભેળવવાથી કેકનો રંગ નિખરી ઉઠશે.

• ડુંગળીને ધોઈને સમારીને દહીંમાં ભેળવી તેમાં થોડું મીઠું અને મરીનો પાઉડર મિક્સ કરવાથી સ્વાદિષ્ટ રાયતું બનશે.

• પંજાબી ગ્રેવી થિક બનાવવી હોય તો કાજુનો ભૂકો ઉમેરો. જેનાંથી વાનગી સ્વાદિષ્ટ બનશે.

• શાકમાં મીઠું વધારે પડ્યું હોય તો ચણાના લોટની પોટલી બનાવી શાકમાં મૂકી દો વધારાનું મીઠું ચૂસાઈ જશે.

• વટાણા બાફતી વખતે ચપટી મીઠું તેમ જ એક ચમચી સાકર ઉમેરવાથી વટાણાનો રંગ લીલો જ રહેશે.

                                     ૐ નમઃ શિવાય