જોઈએ છે

                             આજે મહા સુદ બીજ [ત્રીજનો ક્ષય]

આજનો સુવિચાર:- તમે કેટલા ખરાબ છો તેનાથી લોકો ગભરાતા નથી પરંતુ તમે કેટલા સારા છો તેનાથી લોકો ગભરાય છે.

હેલ્થ ટીપ્સ:- ગરમ દૂધમાં સાકર અને મરીનો ભૂકો નાખી પીવાથી શરદીનો ભરાવો ઓછો થશે.

                          જોઈએ છે

ભવોભવના ફેરામાંથી
મુક્તિ આપે
એવા પ્રભુની જરૂર નથી !
જોઈએ છે એક એવો પ્રભુ

જે

રેલ્વેના ટાઈમટેબલમાંથી મુક્તિ અપાવે,
ટ્રાફિકના સિગ્નલ પર દોડતી
રક્તની ગતિને અંકુશમાં રાખે
જમ્બો જેટમાં સમયને
ઘસડાઈ જતો અટકાવે,

રેડિયો અને ટેલિવિઝનમાં
મોકળાશ શોધતી શૂન્યતાને ઠપકારે,
સવારે સત્યનો વાઘો પહેરીને આવતા
સમાચારોથી અળગો રાખે

અને

જાહેરાખબરોમાં મને
સસ્તે મૂલે વેચાઈ જતો રોકે

જોઈએ છે
એક એવો પ્રભુ………

                              વિપિન પરીખ

                                    ૐ નમઃ શિવાય