હું

                                     આજે વૈશાખ વદ બારસ

આજનો સુવિચાર:- વર્તનમાં બાળક બનો, સત્યમાં યુવાન થાઓ અને જ્ઞાનમાં વૃદ્ધ બનો. — પ્રણવાનંદજી

હેલ્થ ટીપ:- વૃદ્ધાવસ્થામાં પૂરતી ઊંઘ જરુરી છે. જો રાતનાં ઊંઘ ન આવતી હોય તો દિવસે ઊંઘવાનું ટાળો.

            હું

ખોટું ન લાગે તો વાત એક કહું
હું થોડા દિવસ હવે તારામાં રહું ?

કામમાં હશે તો હું વાત નહીં માંડું
મૌનનાય કોઈ દિ’ ના છાંટા ઉડાડું
શમણાનો કાયદોય હાથમાં ન લઉં
– હું

કોણ જાણે હિમ શી એકલતા જામી
વૈદો કહે છે : હૂંફની છે ખામી
કહે છે કે તારામાં લાગણી છે બહુ
– હું

રોજ એક ઈચ્છા જો સામે મળે છે
આંખોમાં ભીનું થૈ નામ ટળવળે છે
તારામાં તારાથી આગળ નહીં જાઉં
– હું

રસ્તામાં પાથરેલ કાંટા જો મળશે
મારી હથેળી પછી પગ તારો પડશે
વેદનાનો ભાર હું એકલો જ સહું
– હું

કહેણ મોસમનું કોઈ મને ભાવતું નથી
મને સાચકલે મારામાં ફાવતું નથી
આમ ટીપાની ધાર બની ક્યાં સુધી વહું ?

– મુકેશ જોશી

ૐ નમઃ શિવાય