પ્રૌઢ શિક્ષણ

                              આજે જેઠ સુદ બીજ
આજનો સુવિચાર:- સંસારમાં સૌથી મોટો અધિકાર સેવા અને ત્યાગથી મળે છે. – પ્રેમચંદ

હેલ્થ ટીપ:- હેડકી આવતી બંધ ન થતી હોય તેવી વ્યક્તિને અચાનક ગાલ પર તમાચો મારવાથી હેડકી બંધ થઈ જશે.

 

                              પ્રૌઢ શિક્ષણ

 

પૌત્રી કહે દાદા મારી સાથે સ્કુલ સ્કુલ રમો
હું બનું ટીચર તમને ભણાવું તેમ ભણો

મને દીધાં ચોક,પાટી—એ ફોર એપલ લખો
અને જેક એંડ જીલ ઍક્શન સાથે સીંગ કરો

ભોંય બેસી ભણતાં હું ભૂતકાળમાં ખોવાયો
મગજની મેડીએથી મળ્યા બાળપણનાં ગીતો

દાદો થયો છું તોયે મેં દાદાનો ડંગોરો લીધો
વા પવન વા ગાતાં ચગ્યો વિચારોનો કનકવો

નાની મારી આંખ વાળી સ્મરી અજબ જેવી વાત
બાળપણની સ્મૃતિઓમાં ખોવાઈ ગઈ જાત

એક બિલાડી પાળી તે હતી રૂપાળી રંગે
ને એમની પુસીકેટ તો ચઢી રાણી સામે જંગે

જેક એંડ જીલ ને હમ્પ્ટી ડમ્પ્ટી બન્ને નીચે પડે
એમાં જ્ઞાન બોધ શું પામો, બાવાના બેઉ બગડે

આપણા બાળગીતો હતાં સુંદર ને સુરીલાં
જ્ઞાન, ગમ્મ્ત અને બોધ, ત્રણે સાથે ભળેલાં

કેજી થી જૂની શિક્ષા સારી એથી હું પોરસાયો
પાટીમાં એ ને બદલે કમળનો ક લખાયો

નાની ટીચરે ઘાંટો પાડ્યો, તમે બધું રોંગ કરો
પનીશમેંટ આપીને મને ક્લાસ આઉટ કર્યો

 

શ્રી કિશોરભાઈ કણીયા [એમના પુસ્તક ‘સ્નેહાર્પણ’માંથી]

 

ૐ નમઃ શિવાય