અજમાવી જુઓ

                                 આજે કારતક સુદ દસમ 

 

આજનો સુવિચાર:- ભક્તિ, વિશ્વાસ અને શ્રદ્ધા લઈને ચાલશો તો કોઈપણ પાપ કે તાપ દ્વારા તમારા મનને સંતાપ નહી થાય. — સ્વામી પ્રણવાનંદજી.

                                          અજમાવી જુઓ

• પનીરનાં ટુકડાને તળી લીધા પછી ગરમ પાણીના વાસણમાં રાખવાથી નરમ રહેશે.
• કાંદા સાંતળતી વખતે તેમાં અડધી ચમચી ખાંડ નાખવાથી કાંદા કરકરા થશે.
• આદુનાં રસમાં થોડી હિંગ નાખવાને ઉપયોગમાં લેવાથી કાંદાની સુગંધ આવશે અને કાંદો ન હોવા છતાંયે કાંદાની ગરજ સારશે.
• આથાવાળી વાનગી બનાવવા દહીંને ત્રણ ચાર કલાક બહાર રાખવાથી આથો જલદી આવશે.
• મૂઠિયામાં ચણાનો લોટ નાખવાથી મૂઠિયા સ્વાદિષ્ટ થશે.
• મસાલા ખીચડીમાં લસણની કળી, ઝીણું સમારેલું ટામેટું, પાલક, વટાણા નાખી જોઈતા પ્રમાણમાં મીઠું અને બીરીયાની મસાલો નાખતા સ્વાદિષ્ટ ખીચડી તૈયાર થશે.
• પલાડેલાં સાબુદાણાને કપડામાં કોરા કર્યા પછી ખીચડીમાં ઉપયોગ કરવાથી સાબુદાણા છૂટા રહેશે.
• મેથીનાં દાણાને કાચી કેરીનાં ખાટા પાણીમાં પલાડીને કાચી કેરીનાં અથણામાં ઉમેરવાથી અથાણું સ્વાદિષ્ત બનશે.
• કોથમીર, મરચા તથા લીમડાને તાજા રાખવા ભીના કરેલા કપડાને નીચોવીને તેમાં વીંટાળીને રેફ્રિજરેટરમાં મૂકવા.
• સફેદ ઢોકળાને નરમ પોચા બનાવવા તેમાં થોડાક પાણીમાં એક ચમચો તેલ અને એક ચમચી ખાવાનાં સોડા નાખી ઉકાળીને ખીરામાં નાખવા. ઢોકળા પોચા અને સ્વાદિષ્ટ થશે.
• પાયરીનાં રસમાં આફુસ કેરીનાં ટુકડા નાખવાથી રસ મીઠો લાગશે.
• બટાટાનાં ભજિયા બનાવતી વખતે તેનું ખીરું થોડું પાતળું રાખવાથી ભિયા ક્રિસ્પી બનશે.
• પિત્ઝા પર પાથરવાનાં શાકને થોડાક ઑલિવ ઑઈલમાં સાંતળીને પાથરવાથી પિત્ઝા સ્વાદિષ્ટ બનશે.
• મીઠાંની બરણીમાં ચોખાનાં દાણા મૂકી રાખવાથી મીઠાંમાં ભેજ નથી લાગતો.
• લાલ મરચા, ધાણાજીરા અને હળદરમાં હિંગનાં ટુકડા મૂકી રાખવાથી તેમાં જીવડાં નથી પડતા.
• તુવેરની દાળ કે મગની દાળ વગેરેમાં ખમણેલું આદુ નાખવાથી દાળ વધુ સ્વાદિષ્ટ બનશે.

                                                  ૐ નમઃ શિવાય

સલાડ સ્પે.

                          આજે શ્રાવણ સુદ છઠ [રાંધણ છઠ]

 

આજનો સુવિચારઃ- આપણા વર્તમાન પર આપણું ભવિષ્ય નિર્ભર છે.

 

સલાડ સ્પે.

 

ટોમેટો કપ

સામગ્રીઃ-

૧] ટામેટા
૨] કોબીનું છીણ
૩] સલાડ મસાલો [સંચળ, જીરૂ અને કાઆ મરીનું મિશ્રણ]
૪] જોઈતા પ્રમાણમાં લીબુનો રસ
૫] ઝીણી સમારેલી કોથમીર

રીતઃ-

ટામેટાને વચ્ચેથી કાપી અડધા કરો અને વચમાંથી તેનો પલ્પ કાઢી લો.
ત્યારબાદ તેમાં સલાડનો મસાલો અને લીંબુના રસ મિશ્રિત કોબીની ભરી દો
સલાડને ઝીણી સમારેલી કોથમીરથી સજાવો.

 

સ્ટીમ પરવળ

 

સામગ્રીઃ-

૧] પરવળ
૨] લીલો મસાલો [ઝીણી સમારેલી કોથમીર, જોઈતા પ્રમાણમાં વાટેલા આદુ મરચા,ધાણાજીરૂ અને લીંબુનો રસ]
૩] સલાડ મસાલો [ઊપર જણાવ્યા મુજબ]

રીતઃ-

પરવળને અડધા કાપી તેનો વચમાંથી ગર કાઢી લો. ત્યાર બાદ તેને ૩ મિનિટ વરાળમાં બાફી દો. ત્યાર બાદ સ્વાદ પ્રમાણે તેમાં લીલો મસાલો ભરી દો.
તેની ઊપર સ્વાદનુસાર સલાડનો મસાલો અને વધેલો લીલો મસાલો ભભરાવી દો.

 

ક્રીમી પાલક

સામગ્રીઃ-

૧] પાલક્ની ભાજી
૨] પાણી નિતારેલું દહીં
૩] ગાજરની છીણ
૪] સલાડનો મસાલો
૫] જોઈતા પ્રમાણમાં વાટેલા આદુ મરચાં

રીતઃ-

ઝીણી સમારેલી પાલકની ભાજીને ઉકળતા પાણીમાં ૫ સેકન્ડ રાખી નીતારી લો.
ત્યારબાદ તેમા જોઈતા પ્રમાણમા પાણી નિતારેલું દહીં ઉમેરો.
તેમા સ્વાદનુસાર સલાડ મસાલો અને વાટેલા આદુ મરચા ઉમેરો.
તેને ગાજરની છીણથી સજાવો.

 

ક્યુકમ્બર સેન્ડવિચ

સામગ્રીઃ-

૧] ગોળ સમારેલી કાકડી
૨] લીલી ચટણી

રીતઃ-

ગોળ સમારેલી કાકડીના એક સ્લાઈસ પર લીલી ચટણી લગાડી તેની પર બીજી સ્લાઈસ મૂકો.

 

                                             ૐ નમઃ શિવાય

વાનગી પુસ્તકોમાં આવતા અંગ્રેજી શબ્દોનાં ગુજરાતી શબ્દો [3]

                           આજે વૈશાખ વદ અમાસ

 

આજનો સુવિચાર:- પાપી પર ઘૃણા ન રાખો, તેનાં પાપ પર ઘૃણા રાખો, કારણ તમે પણ પૂર્ણ નિષ્પાપ તો નહીં જ હો.                         — મહાવીર સ્વામી

હેલ્થ ટીપ:- ઉનાળામાં થાકેલી આંખોને આરામ આપવા ટી બેગ્સને પલાડી આંખો પર 15થી 20 મિનિટ મૂકી રાખવાથી આંખોને આરામ મળશે.

 

 

વાનગી પુસ્તકોમાં આવતા અંગ્રેજી શબ્દોનાં ગુજરાતી શબ્દો [3]

મોલેસિઝ                                                                                     ગોળ
મસ્કમેલોન                                                                                 સક્કરટેટી
મસ્ટર્ડ                                                                                         રાઈ
નટમેગ                                                                                     જાયફળ
ઑટમીલ                                                                                  જવના ફાડા
ઑરેંજરિડ                                                                                 નારંગીની છાલ
પેઅર                                                                                        નાસપતી
પેપર                                                                                        મરી
પોપીસીડ                                                                                 ખસખસ
પિસ્તેચો                                                                                   પિસ્તા
પ્લેટેન                                                                                       કેળા
પોમોગ્રેનેટ                                                                                દાડમ
પૉરિજ                                                                                      રાબ, ખીર
પમ્પકિન                                                                                 કોળું
રેડિશ                                                                                       મૂળા
રેઝિન                                                                                     સૂકવેલી દ્રાક્ષ
રેડગ્રામ                                                                                  મસૂરની દાળ
રિજગૌડ                                                                                 તૂરિયા
સેફ્રોન                                                                                    કેસર
સાગો                                                                                     સાબુદાણા
સ્કેલિયન                                                                              લીલી ડુંગળી
સેમોલિના                                                                             રવો, સોજી
સિસમ ઑઈલ                                                                     તલનું તેલ
શેલેટ                                                                                    નાના કાંદા
સ્વીટ પોટેટો                                                                         શક્કરિયા
ટરમરિક                                                                                હળદર
ટમરિંડ                                                                                 આમલી
વર્મિસેલી                                                                            સેવિયાઁ, ઘઉંના લોટની ઝીણી સેવ
વિનેગર                                                                                સરકો
વોલનટ                                                                                અખરોટ
વોટરમેલોન                                                                         કલિંગર, તડબૂચ
વ્હે                                                                                         ફાટેલા દૂધનું પાણી
વ્હાઈટ ફ્લોર                                                                         મેંદો
વ્હાઈટ ગ્રામ                                                                         કાબૂલી ચણા
હૉર્સ ગ્રામ                                                                             દાળિયા, શેકેલા ચણા
યેમ                                                                                      સૂરણ
યીસ્ટ                                                                                     આથો, ખમીર
યોગર્ટ                                                                                    દહીં

 

ૐ નમઃ શિવાય

કિચન ટીપ્સ

                      આજે વૈશાખ વદ ત્રીજ [સંકષ્ટી ચોથ]

 

આજનો સુવિચાર :- અત્યંત તીવ્ર કષ્ટ પડે, એ સમયે આપણે ધૈર્ય ધરવું જોઈએ. – પ્રણવાનંદજી

હેલ્થ ટીપ:- ઉનાળામાં બહારથી આવ્યા પછી આંખો પર કાકડીનાં પતીકાં મૂકવાથી આંખોને આરામ મળ્શે.

 

                                                 કીચન ટીપ્સ

 

* સીઝનમાં ઘઉં ભરતી વખતે તે દિવેલથી મોઈ લેવાથી તેમાં ધનેડાં નહીં પડે.

* બટાટા નવા હોય તો બાફતી વખતે તેમાં ફુદીનાનાં થોડા પત્તા નાખવાથી માટીની વાસ નહીં આવે.

* ચોકલેટ આઈસિંગ વધારે ગળ્યું ન લાગે તે માટે તેમાં ચોકલેટ બિસ્કિટનો ભૂકો કરી તેમાં ભેળવી દો. ગળપણ ઓછું થશે અને સ્વાદિષ્ટ લાગશે.

* ફ્રીજમાં મૂકેલો લોટ સૂકાઈ ન જાય તેને માટે તેના ઉપર ઉંધો બાઉલ ઢાંકી દો જેથી તેનું પાણી સૂકાઈ નહીં જાય.

* સાંભાર બનાવતી વખતે તેમાં પાકું ટામેટું ગ્રાઈંડ કરીને ભેળવી દેવાથી તેનો રંગ સારો લાગશે.

* ડુંગળી સમારતી વખતે આંખમાંથી પાણી ન નીકળે એ માટે ડુંગળીના ટ્કડા કરી તેને પાણીથી ધોઈ કાઢો.

* ટામેટાંને ઝડપથી બાફવા તેમાં ½ ચમચો ખાંડ અને ચટી મીઠું નાખો.

* ફ્રાઈડ રાઈસ બનાવતી વખતે ભાતને પાણીને બદલે દૂધમાં ચઢાવવાથી ભાત મુલાયમ બનશે.

* જેલીને ઝડપથી સેટ કરવા જરૂર કરતા ઓછું પાણી લઈ તેમાં મિક્સ કરો અને તેમાં થોડાક આઈસ ક્યુબ મિક્સ હરી હલાવો આઈસ ઓગળશે ત્યાં સુધી જેલી સેટ થઈ જશે અને ત્યારબાદ તેને ફ્રીજમાં મૂકો.

* પિઝા બનાવતી વખતે પિઝાના રોટલા પર ઘી કે માખણ ચોપડશો તો તે વધુ કરકરા થશે.

* ઉપમા બનાવતાં પહેલાં રવાને ઘી કે તેલ વગર શેકી નાખો પછી ઉપમા બનાવવાથી તેનો દાણો ફૂલીને મોટો થશે.

* પલાળેલી દાળનું પાણી કાઢી તેને કેસરોલમાં મૂકી ઢાંકવાથી તેમાં અંકુર ફૂટશે.

• પપૈયુ જો ફીકું નીકળે તો તેનું રસાવાળું શાક બનાવી જુઓ.

• આઈસક્રીમને ગાઢો બનાવવો હોય તો એક લિટર દૂધમાં એક કપ મિલ્ક પાઉડર મિક્સ કરી દો.

 

                                  ૐ નમઃ શિવાય

કેરીની મહેફિલ

                            આજે વૈશાખ સુદ ચોથ

આજનો સુવિચાર:- નિશ્ચયમાં જ સાચામાં સાચી અને સારામાં સારી ચતુરાઈ છે. –  નેપોલિયન

હેલ્થ ટીપ:- ગરદન પર પપૈયું દસ મિનિટ સુધી રગડવાથી ગરદન નિખરી ઉઠશે.

[મુંબઈ સ્થિત શ્રીમતી રત્નાબેન કડકિયાએ આ વાનગી લખીને મોકલવા બદલ મેઘધનુષ ખૂબ આભારી છે.]

 

                                રસની બરફી

સામગ્રી:-

1] 1 વાડકી ગાળ્યા વગરનો આફૂસનો રસ
2] 1 વાડકી સાકર [¾ વાડકી આખી સાકર + ¼ વાડકી દળેલી સાકર]
3] 1 ચમચો ઘી
4] ચાંદીનો વરખ

રીત:-

1] રસમાં ¾ વાડકી આખી સાકર ભેળવી પાંચ મિનિટ રહેવા દો..
2] ટેફ્લોન કૉટેડ અથવા જાડા તળિયાવાળા વાસણમાં એક ચમચો ઘી મૂકી તેમાં સાકર ભેળવેલો રસ ધીમે તાપે ઉકાળવા મૂકો. તેને હલાવતા રહેવું.
3] ગોળી વળે ત્યાં સુધી ઉકાળતા રહેવું. ત્યારબાદ ઉકળેલા રસને ઉતારીને તેમાં ¼ વાડકી દળેલી સાકર ભેળવવી.
4] આ મિશ્રણને થાળીમાં ઠારી દો
5] રસને ઠારતા જ તેની પર વરખ લગાડી લો.
6] રસની બરફીનાં કાપા પાડી રાખો
7] ઠંડી પડતાં તેને કાઢી લો.

*****************************************************

રસનાં દડવા

સામગ્રી:-

1] 1 પાયરી કેરીનો રસ ગોટલા સાથે [વધારે ગોટલા લઈ શકો છો]
2] 2 વાડકી રસ
3] જોઈતા પ્રમાણમાં મીઠું, મરચું,ગોળ, ધાણાજીરું, હળદર
4] વઘાર માટે 1 ચમચી તેલ
5] 1 ચમચી મેથી અને રાઈ
6] ચપટી હિંગ

રીત:-

એક તપેલીમાં રસ ગોટલા સાથે ધીમા તાપે ઉકાળવા મૂકો. તેમાં થોડું પાણી ઉમેરો. ત્યારબાદ તેમાં જોઈતા પ્રમાણમાં મીઠું, મરચું, હળદર, ધાણાજીરું અને ગોળ ઉમેરો. તેમાં તેલ, રાઈ, મેથી, હિંગનો વઘાર કરો. જાડું થતાં ઉતારી લો. આ દડવા ‘બે પડી’ રોટલી સાથે ખાવાની મઝા કાંઈ ઑર આવશે.
**************************************************************

કાચી કેરીનું શાક

સામગ્રી:-

1] 250 ગ્રામ કાચી કેરીના છાલ ઉતાર્યા વગરના કટકા
2] જોઈતા પ્રમાણમાં મીઠું મરચું, હળદર, ધાણાજીરું,
3] 250 ગ્રામ ગોળ [કદાચ વધારે પણ જોઈએ કેરી કેટલી ખાટી છે તેના પર આધાર રાખે છે]
4] 1 મોટો ચમચો તેલ
5] 1 ચમચી મેથી અને ચપટી હિંગ

રીત:-

એક તપેલીમાં તેલ મૂકી મેથી હિંગનો વઘાર મૂકવો. તેમાં કાચી કેરીનાં કટકા વઘારવા. તેમાં થોડું પાણી ઉમેરી તેમાં બધો મસાલો નાખી ધીમા તાપે ચઢવા દો. તેમાં ગોળ ઉમેરો. આ શાકમાં ગોળ આગળ પડતો હોવો જોઈએ. કેરીના કટકા ચઢી જાય ત્યાર બાદ ઠંડું પડે તેને બોટલમાં ભરી દો.. આ શાક લાંબો સમય સારું રહેવાથી તેનો ઉપ્યોગ પીકનિક કે પ્રવાસમાં અથાણાની ગરજ સારે છે.
                                         ૐ નમઃ શિવાય

વાનગીમાં આવતા અંગ્રેજી શબ્દોનાં ગુજરાતી શબ્દો

                                        આજે ચૈત્ર સુદ ત્રીજ

આજનો સુવિચાર:- નદીની વચ્ચે ગમે તેટલા અવરોધો આવે પન એ દરિયાને મળ્યા વગર રહેતી નથી.

હેલ્થ ટીપ:- એક વાડકી દહીંમાં અડધા લીંબુનો રસ ભેલવી વાળના મૂળમાં લગાડવાથી ખોડો દૂર થશે.

વાનગી પુસ્તકોમાં આવતા અંગ્રેજી શબ્દોનાં ગુજરાતી શબ્દો

અંગ્રેજી શબ્દ                                                                        ગુજરાતી શબ્દ

આલ્મંડ                                                                                     બદામ
એલમ                                                                                      ફટકડી
એમરેથ                                                                                    ચોળીની શીંગ
એનિસીડ                                                                                 વરિયાળી
ઍપલસાઈડર                                                                         સફરજનનો સરકો
ઍપ્રિકોટ                                                                                   જરદાળુ
ઍક્વા                                                                                      પ્રવાહી
ઍરિકાનટ                                                                                 સોપારી
ઍરોમા                                                                                     સુગંધ
ઍરમ                                                                                       અળવી
ઍસિફોડિટા                                                                              હિંગ
બાર્લી                                                                                       જવ
બાર્મયીસ્ટ                                                                               યીસ્ટ – ખમીર – આથો
બૅસિલ                                                                                     તુલસી
બૅ-લિફ                                                                                    તમાલપત્ર
બેસૉલ્ટ                                                                                    આખુ મીઠું
બીન                                                                                        કઠોળના દાણા
બૅગલ ગ્રામ                                                                           ચણાની દાળ
બૅગલ ગ્રામ પાઉડર                                                              ચણાનો લોટ
બૅગલ ગ્રામ[હોલ]                                                                  આખાચણા
બીટલ                                                                                      પાન
બીટલ નટ                                                                              સોપારી
બીટર ગૉર્ડ                                                                               કારેલા
બ્લેકગ્રામ                                                                                 અડદની દાળ
બ્લેક પેપર                                                                              મરી
બૉટલગૉર્ડ                                                                                દૂધી
કસ્ટર્ડઍપલ                                                                             સીતાફળ
કોલ્વઝ                                                                                     લવિંગ
ડૅટ                                                                                           ખજૂર
ડિલ                                                                                         સૂવાની ભાજી
ડૉ                                                                                            કણક
પોમેગ્રેનેટ સીડસ                                                                   દાડમ દાણા
ડ્રમસ્ટીક                                                                                  સરગવો
ઍગપ્લાંટ                                                                               રીંગણ
ઈવાપોરેટેડમિલ્ક                                                                   માવો
ફેનેલ                                                                                      વરિયાળી
ફેન્યુગ્રીક                                                                                  મેથીની ભાજી
લીફી વેજિટેબલ                                                                     ભાજી સીડસ દાણા ફિગ અંજીર
ફાઈન ફ્લોર                                                                          મેંદો
ગાર્લિક                                                                                    લસણ
જિંજર ડ્રાય [પાઉડર]                                                            સૂંઠ
જિંજર                                                                                      આદુ
ગૉર્ડ                                                                                         દૂધી
ગ્રેવી                                                                                        રસો
ગ્રીન ગ્રામ                                                                              મગની દાળ
ગ્રીન ગ્રામ [હોલ]                                                                   મગ
ગ્રાઉંડનટ                                                                                શીંગ
જેક ફ્રુટ                                                                                    ફણસ
જેગરી                                                                                     ગોળ
લેંટિલ                                                                                      મસૂર
લેડીફિંગર                                                                                 ભીંડા
લોટસ સ્ટેમ                                                                              કમળ કાકડી
મૅઝ                                                                                           મકાઈ
મિંટ                                                                                           ફુદીનો

[વધુ આવતા લેખમાં]

                                                      ૐ નમઃ શિવાય

વાનગીમાં આવતા અંગ્રેજી શબ્દોનાં ગુજરાતી શબ્દો

                    આજે ફાગણ વદ અમાસ

આજનો સુવિચાર:- અધિરાઈ એ સમજ્યા વિનાની હાનિકારક ઝડપ છે.

હેલ્થ ટીપ:- સવારના નાસ્તામાં એક વાડકી દૂધ અને વાડકી ફણગાવેલ કઠોળ ખાવાથી વાળ મજબૂત અને તંદુરસ્ત થશે.

વાનગી પુસ્તકોમાં આવતા અંગ્રેજી શબ્દોનાં ગુજરાતી શબ્દો

અંગ્રેજી શબ્દ                                                             ગુજરાતી શબ્દ

બ્રેકિશ                                                                       ખારું
બ્રાન                                                                         થૂલું
બ્રિંજલ                                                                    રીંગણ
બ્રાઈની                                                                  ખારુ
બ્રોકોલી                                                                લીલુ ફ્લાવર
બ્રોથ                                                                      માંસ ઉકાળીને બનાવેલો રસ,
                                                                            માંસ મચ્છીનું સૂપ
બ્રાઉન સુગર                                                       ખાંડસરી
બટર                                                                     માખણ
બટરમિલ્ક                                                             છાશ
બટન ઓનિયન                                                નાના કાંદા
કેબેજ                                                                 કોબીજ
કેપ્સિકમ                                                            સિમલા મરચાં
કેરાવે                                                                અજમો
કૅરેટ                                                                  ગાજર
કેશ્યુનટ                                                             કાજુ
કેસિયાલીફ                                                        તમાલપત્ર
કોબીફ્લાવર                                                       ફુલેવર
સેલીરસીડ                                                         અજમો
સિરિયલ                                                          ધાન્ય, અનાજ
ચિકપીઝ                                                         કાબુલી ચણા
ચીલી                                                                 મરચા
સિનેમોન                                                         તજ
ક્લોવ                                                             લવિંગ
ફ્લસ્ટર બીંસ                                                ગુવારફળી
કોકોનટ [ફ્રેશ]                                             લીલું નાળિયેર
કોકોનટ ઑઈલ                                            કોપરેલ તેલ
કોરિયાંડર                                                    કોથમીર
કોરિયાંડર સીડસ                                       ધાણા
ક્રોટોન                                                        પાઉંના ટુકડા
કોંડિમેંટ્સ                                                  મસાલા
ક્યુકુંબર                                                     કાકડી
કરીલીફ                                                     મીઠો લીમડો
કર્ડ                                                             દહીં

[વધુ આવતા લેખમાં]

                                                        ૐ નમઃ શિવાય

સેંડવીચની મહેફિલ

                               આજે મહા વદ અમાસ

આજનો સુવિચાર :- સમાજની શ્રદ્ધા અને વિશ્વાસ નિષ્ક્રિય બને ત્યારે સંદેહ નામનો તારકાસુર પ્રગટે છે. – મોરારીબાપુ.

હેલ્થ ટીપ :-
લોક આયુર્વેદ – આધા ખાના.દુગુના સોના, તિગુના પીના ઔર ચોગુના હંસના—અરધે પેટ ખાવું, ખૂબ ઊંઘવું, પુષ્કળ પાણી પીવું અને પેટ ભરી હસવું. આ વૃદ્ધાવસ્થાનું સ્વાસ્થય સૂત્ર છે.

 

સેંડવીચ

    ટોસ્ટ સેંડવીચ

સામગ્રી-

1] સ્લાઈસ્ડ સેંડવીચ બ્રેડ
2] 2 બાફેલા બટાટા
3] 1 મોટો ચમચો ખમણેલું ચીઝ
4] 2 મોટા ચમચા ટોમેટો કેચપ
5] 1 કાપેલો નાનો કાંદો
6] સ્વાદાનુસાર મીઠું, સાકર અને મરચું
7] બટર

રીત:-

એક તવામાં થોડુંક બટર લઈને કાપેલો કાંદો 1 મિનિટ સાંતળો. ત્યારબાદ તેમાં બાદ તેમાં બાફેલા બટાટા મીઠું, સાકર, લાલ મરચું, કેચપ અને ખમણેલું ચીઝ ઉમેરી થોડીવાર હલાવો. આ પૂરણને ઠંડુ પડવાદો. ત્યારબાદ નોનસ્ટીક હેન્ડ સેંડવીચ ટૉસ્ટર કે ઈલેક્ટ્રિક ટૉસ્ટર લઈ તેમાં થોડુંક બટર ચોપડી 2 મિનિટ માટે ગરમ કરો. બ્રેડની બે સ્લાઈસ લઈ તેની વચમાં ઉપરોક્ત પૂરણ ભરો. બ્રેડની આગળ પાછળ બટર લગાડી ગરમ કરેલા ટોસ્ટરમાં મૂકી ધીમે તાપે ગરમ કરવા મૂકો. લાલાશ પડતું પડ થવા માંડે ત્યારે કાઢી લો.
ગરમ ગરમ સેંડવીચ ટૉસ્ટ કેચપ અને લીલી ચટણી સાથે ખાવાની મઝા આવશે.

 

સેંડવીચ

[મુંબઈ સ્થિત નીતાબેન કોટેચાએ મોકલાવેલી આ રૅસિપી બદલ મેઘધનુષ તરફથી આભાર.]

 

સામગ્રી:-
1] દહીં ગાજરની ચટણી
[ગાજર, મરી પાઉડર, સ્વાદાનુસાર મીઠું]
2] ગ્રીન ચટણી
[કોથમીર, સ્વાદાનુસાર લીલા મરચા અને મીઠું, 5 ટુકડા લાલ ખજુર, 3 લીંબુનો રસ, 5 થી 6 મરીનાં દાણા 6 થી 7 લસણની કળી]
3] ટામેટાની ચટણી [10 ટામેટા, 5 કાંદા, સ્વાદાનુસાર મીઠું અને લાલ મરચું]
4] સેન્ડવીચ બ્રેડ

રીત:-

1] દહીં ગાજરની ચટણી-

દહીને 2 કલાક બાંધી તેમાંથી પાણી કાઢવું. ગાજરને ખમણી તેમાં મીઠું ભેળવી થોડીવાર રહેવા દેવું થોડીવાર પછી ગાજરને હથેળીમાં દબાવી તેનું પાણી કાઢી લેવું. ત્યારબાદ નીચોવેલા ગાજરને પાણી કાઢેલા દહીંમાં ભેળવી દો અને તેમાં જોઈતા પ્રમાણમાં મરીનો પાઉડર ભેળવી દો. આમ દહીં ગાજરની ચટણી તૈયાર થઈ જશે.

2] ગ્રીન ચટણી:-

કોથમીર ધોઈને તેમાં ઉપરોક્ત ગ્રીન ચટણીની સામગ્રી ભેળવી વાટી લેવી. આમ ગ્રીન ચટણી તૈયાર થશે.

3]ટામેટાની ચટણી:-

ટામેટા અને કાંદાને વાટી ઉકાળવા મૂકવા. તેમાં સ્વાદાનુસાર મીઠું, લાલ મરચું અને 2 મોટા ચમચા કેચપ નાખવા. ઘટ્ટ થાય ત્યાં સુધી ઉકાળવા દેવું.

હવે બ્રેડની ચાર સ્લાઈસ લેવી. પહેલી અને બીજી સ્લાઈસની વચમાં દહી ગાજરની ચટણી મૂકવી. બીજી અને ત્રીજી સ્લાઈસ વચ્ચે ગ્રીન ચટણી લગાડવી અને ત્રીજી અને ચોથી સ્લાઈસ વચ્ચે ટામેટાની ચટણી લગાડવી. આને બાંધીને એકાદ કલાક ફ્રિજમાં મૂકવી. ત્યારબાદ તેને ક્રોસમાં કાપીને સર્વ કરવી જેથી બધી ચટણી દેખાય.

અને ખાતી વખતે નીતાને યાદ કરવી.

આથેલાં મરચાં

 

આથેલાં મરચાં

સામગ્રી:

1] ¼ કિ. ગ્રા. મોળા મોટાં લીલાં મરચાં [વઢવાણી કે મારવાડી મોળા મરચા ચાલે]
2] 100 ગ્રા. રાઈનાં કુરિયા
3] 3 લીંબુનો રસ [ખટાશ વધારે જોઈતી હોય તો લીંબુનો રસ વધારે લેવો]
4] સ્વાદાનુસાર મીઠું અને હળદર 5] ખાવાનું તેલ

રીત-

મરચાંને ધોઈને સૂકા કરવા. મરચામાં ઊભી ચીરી કરી તેમાંથી બી કાઢી કાઢવા, રાઈનાં કુરિયા, મીઠું અને હળદર ભેળવી બી કાઢેલાં મરચામાં ભરવા. સ્ટીલનાં વાસણમાં કે કાચની બરણીમાં આ ભરેલાં મરચા મૂકી તેમાં લીંબુનો રસ નાખી ઊછાળવા. દિવસમાં ત્રણ વખત ઊછાળવા જેથી લીંબુનો રસ બધાં મરચામાં ભળે. ત્રણ દિવસ પછી તેમાં બે મોટાં ચમચા ગરમ કરી એકદમ ઠંડુ પાડેલું તેલ તેમાં નાખી હલાવો [ઊછાળવા]. હવા ન જાય તેવી બરણીમાં આ મરચા ભરવા.

                                        
                                            ૐ નમઃ શિવાય

કીચન ટીપ્સ

                             આજે મહા વદ દસમ

આજનો સુવિચાર :- કૃપાણમાંથી ન નીકળી જાય તો શસ્ત્ર પણ શાસ્ત્ર બની જાય છે. – મોરારીબાપુ

હેલ્થ ટીપ :- મૂઢમાર વાગ્યો હોય અને દુખતું હોય તો બરફથી માલિશ કરવાથી રાહત રહેશે.

 

                                         કીચન ટિપ્સ

* રાઈના કુરિયાની સુગંધ વધારવા માટે રાઈને વાટતા પહેલા એક કલાક તડકામાં રહેવા દો.

* મિલ્ક શેઈક બનાવતી વખતે તેમાં એક ચમચી જેલી અથવા જામ ભેળવવાથી મિલ્ક શેઈક વધારે સ્વાદિષ્ટ, ઘટ્ટ અને સ્મૂધ બનશે.

* બીટ ખરીદતી વખતે એકદમ કડક અને થોડાંક મૂળિયા હોય તેવાં લો જેથી બીટ લાલ અને લીસા રહેશે.

* ચણા રાતના પલાડવાનું ભૂલી જાઓ તો સવારના ચણા ધોઈને ગરમ પાણીમાં એક કલાક પલાળી રાખો.

* દાળ કે કઠોળમાં મીઠું વધારે પડી ગયું હોય તો તેમાં લીંબુનોરસ ઉમેરવાથી ખારાશ ઓછી થઈ જશે.

* ગ્રેવીવાળું શાક બનાવવા કોબીની છીણની ગ્રેવી બનાવો, સ્વાદિષ્ટ લાગશે.

* લીંબુની છાલ કે નારંગીની છાલને તાત્કાલિક સૂકવવા ઓવનને હાઈ ટેમ્પરેચરમા મૂકી આ છાલને 2 થી 3 મિનિટ ગરમ કરો, તુરંત કડક થઈ જશે.

* દાળ બાફતી વખતે તેમાં એક ચમચી તેલ અને ચપટી મીઠું ભેળવવાથી દાળ જલ્દી ચઢી જશે.

* લીલાં મરચાં, આદુ, લસણ જેવા મસાલાની જુદી જુદી પેસ્ટ બનાવી આઈસ ટ્રેમાં જામવા દો. ક્યુબ થઈ જાય ત્યારે અલગ અલગ ઝીપલોકમાં મૂકી દો. જરૂર પડે એક એક ક્યુબનો ઉપયોગ કરી શકશો.

* ઓઈલ ફ્રી વડા ખાવા વડાના ખીરાને સેંડવિચ ટોસ્ટરમાં ભરી બેઈક કરો. વડા ઓઈલ ફ્રી વડા બનશે.

* વાસણમાં જામેલી ચીકાશને દૂર કરવા તેને પહેલા ચાની ભૂકીથી ઘસો ત્યારબાદ ડીટરજંટથી ઘસવાથી ચીકાશ દૂર થશે.

* પ્લાસ્ટિકની બરણીમાંથી વાસ આવતી હોય તો તેમાં છાપાનો કાગળ મૂકી આખી રાત રહેવા દો.

* જૂનો થયેલો ચણાનો લોટ ફેંકી ન દેતાં વાસણ ઘસવામાં ઉપયોગમાં લો જેનાથી વાસણોમાં ચમક આવી જશે.

                                               ૐ નમઃ શિવાય

ખીચડો

                    આજે પોષ વદ ચોથ [મકર સંક્રાંતિ, ધનુર્માસ સમાપ્ત]

 

આજનો સુવિચાર:- જાહેરાત કરાતા દાનનું પુણ્ય મળતું નથી.

હેલ્થ ટીપ :- જાપાનમાં થયેલા પ્રયોગ અનુસાર ખાંડ,દૂધ વિનાની લીલી ચા પીવાથી મગજની શક્તિ સુધરે છે.

 

                                  મકર સંક્રાંતિ

          મકર સંક્રાંતિ એટલે મકર રાશિમાં સૂર્યનો પ્રવેશ. ઉત્તરાયણનો પ્રારંભ થાય છે.

    આ દિવસે સમુદ્રસ્નાન થાય છે. કલકત્તામાં આવેલાં ગંગાસાગરના સ્નાનનું ખૂબ મહત્વ છે.
આ દિવસે સમુદ્ર સ્નાન, તીર્થસ્નાન, તલ તર્પણ, શ્રાદ્ધ દાન વગેરે કાર્યો કરવામાં આવે છે. જુદા જુદા પ્રાંતોમાં આ દિવસ પોતાની આગવી રીતે ઉજવવામાં આવે છે. આ દિવસે ગુજરાતમાં ખીચડો બનાવવામાં આવે છે.જ્યારે મહારાષ્ટ્રમાં તલનાં લાડુ બનાવી વહેંચવામાં છે.

ખીચડો બે રીતે બનાવવાય છે. મીઠો અને તીખો ખીચડો

       તીખો ખીચડો

[મુંબઈ સ્થિત શ્રીમતી મનોરમાબેન ધારિયાએ ખીચડાની રીત લખી મોકલવા બદલ મેઘધનુષ ખૂબ આભારી છે.]

સામગ્રી:-

1] 125 ગ્રામ ચોખાની કણકી [બાસમતીની]
2] 60 ગ્રામ ઘઉંના ફાડા
3] 60 ગ્રામ જુવાર
4] 60 ગ્રામ ફોતરાવાળી મગની દાળ
5] 60 ગ્રામ ચણાની દાળ
6] 60 ગ્રામ ચોળા
7] 60 ગ્રામ બાજરી
8] સ્વાદાનુસાર મીઠું, હળદર, હિંગ. અજમો, ઘી. આદુનાં ટુકડા

રીત:-

   જુવાર, બાજરી, ચોળા વગેરે આગલી રાતે ભીંજવીને રાખવા. ઘઉં, જુવાર, બાજરીને પાણીમાં ચઢવવા મૂકવા, અડધા ચઢી જાય એટલે તેમાં ચણાની દાળ, ચોળા નાખવા. આ પણ અડધા ચઢવા આવે ત્યારે તેમાં ચોખાની કણકી અને મગની દાળ ઉમેરો. આ બધું ચઢવા આવે ત્યારે તેમાં મીઠું, હળદર, અજમો, હિંગ અને આદુનાં કટકા નાખવા.

  બધું પાણી શોષાઈ જાય એટલે તેમાં ઘી ઉમેરવું અને થોડીવાર ધીમી આંચે ગેસ પર મૂકી રાખવું.

 

                                           મીઠો ખીચડો

સામગ્રી:-

1] 250 ગ્રામ ઘઉંના ફાડા
2] 375 ગ્રામ સાકર

ઈચ્છાનુસાર થોડીક લવિંગની ભૂકી, અધકચરી, એલચી, જાવંત્રી, જાયફળનો પાઉડર, ઘી

રીત:-

ધઉં ફાડાને જરૂરિયાત મુજબ પાણી મૂકીને ચઢવા દો.. ચઢી જતાં તેને ઘીમાં થોડીવાર સાંતળો. ત્યારબાદ તેમાં સાકર ઉમેરો

ધીમી આંચે સાકરનું પાણી સૂકાઈ જતાં તેને ગેસ પરથી ઉતારી તેમાં એલચી, લવિંગ, જાયફળ,જાવંત્રીનો પાઉડર ભભરાવો.

 

                                           ૐ નમઃ શિવાય