રેડિયો પર પોપટવાણી

                           આજે માગશર વદ છઠ્ઠ
આજનો સુવિચાર:-.વાંચનથી વિચાર બદલાય, વિચારથી વ્યહવાર, વ્યહવારથી વ્યક્તિ, વ્યક્તિથી સમાજ, સમાજથી દુનિયા બદલાય છે. માટે દુનિયા બદલવા વાંચન વધારવું જરૂરી છે.

હેલ્થ ટીપ્સ:- અરડૂસીનાં પાનના રસ સાથે મધ લેવાથી ઉધરસ મટે છે.

 

   આજે ‘માનવ અધિકાર દિવસ’ છે. 1950માં આજના દિવસે સંયુક્ત રાષ્ટ્રસંઘ દ્વારા તમામ રાષ્ટ્રો અને રસ ધરાવતી સંસ્થાઓની ઉપસ્થિતિમાં માનવ અધિકાર દિવસની ઉજવણી કરાઈ હતી.

     આજનો દિવસ નોબલ પુરસ્કારના સ્થાપક અને ડાઈનેમાએટના શોધક ડૉ. આલ્ફ્રેડ નોબેલની પુણ્યતિથી અને બાળ પ્રસારણ દિવસ ગણાય છે.

      રેડિયો આપણી સાથે વાતો કરે છે, ભણાવે છે, સલાહ આપે છે, સવાલો કરે છે, જવાબો આપે છે અને મનોરંજન પૂરૂં પાડે છે. વિશ્વમાં દર વર્ષે 11 ડિસેમ્બર રેડિયો ડે અને 10 ડિસેમ્બર આંતરરાષ્ટ્રીય બાળ પ્રસારણ દિન તરીકે ઊજવાય છે. જોકે હવે તો રેડિયો રમકડાં જેવો થઈ ગયો છે. એનો ઈતિહાસ જાણવા જેવો ખરો.

          વિખ્યાત વિજ્ઞાની ‘માર્કોની’એ જુન,11896માં ઈંગ્લેંડમાં બિનતારી [cordless] પ્રસારણ વ્યવસ્થાની પેટંટ કરાવી ત્યારે ધ્વનિ પ્રસારણનો જન્મ થયો હતો.. રેડિયો સેટસ શોધક માર્કોનીએ પ્રથમવાર ઈંગ્લેંડના ચલ્મફોર્ડ ખાતેથી 23મી ફેબ્રુઆરી 1920ના રોજ પ્રસારણ કરવામાં આવ્યો હતો. ભારતમાં 1926માં ઈંડિયન બ્રોડકાસ્ટિંગ કંપનીની સ્થાપના થઈ હતી. રેડિયો અનેક રૂપે જોવા મળે છે. શરૂઆતમાં વાલ્વવાળા હતાં અને હવે મોબાઈલમાં, ઈંટરનેટ પર, સેટેલાઈટ રેડિયો અને પેનવાળો રેડિયો જોવા મળે છે.

      નવાઈની વાત તો એ છે કે ઈંગ્લેંડમાં આવેલા સરેના ઈગલ રેડિયો સ્ટેશનથી ‘ચિકન જોક્સન’ નામનો પોપટ રેડિયો એનાઉન્સર તરીકે કામ કરે છે. એક નિષ્ણાતની મદદથી ચિકનને એનાઉન્સર તરીકેની તાલિમ આપવામાં આવી છે જે રોજ સવારે આબેહૂબ મહિલાના અવાજે ‘ગૂડ મોર્નિંગ, હેવ અનાઈસ ડે’ શ્રોતાઓને મંત્રમુગ્થ કરે છે. બીજાં ત્રીસેક બોલતાં પોપટને પાછળ મૂકીને ‘ચિકને’ મેદાન મારી આ નોકરી મેળવી લીધી હતી.

      ભારતમાં અત્યારે 19 કરોડ કરતા વધુ રેડિયો સેટ્સ છે. એક સર્વે અનુસાર મુંબઈમાં દરરોજ 44 લાખ અને 34 લાખ દિલ્હીનાં લોકો રેડિયો સાંભળે છે.
                                                                                         
                                                                                               સંકલિત

                                               ૐ નમઃ શિવાય

Advertisements

સપ્તપદી

                         આજે માગશર વદ ચોથ

આજનો સુવિચાર:-.દરેક મનુષ્યમાં ખામી હોય છે. જો કોઈ ખામી વિનાનો મિત્ર શોધવા જાય તો તે મિત્ર વિનાનો રહે. આપણે જેમ ખામીથી ભરેલા છીએ છતાં આપણી જાતને ચાહીએ છીએ તેમ આપણા મિત્રોને પણ પ્રેમ કરવો જોઈએ. ——– સાયરસ

હેલ્થ ટીપ્સ:- સૂંઠ નાખી ઉકાળેલા પાણીને પીવાથી શરદીમાં ઘણી રાહત રહે છે.

                               

                              !! શ્રી !!

   લગ્નમાં લેવાતી સાત પ્રતિજ્ઞા

 વિષ્ણુ સ્વરૂપ વર કહે છે—ધનધાન્યની રક્ષા માટે પ્રથમ પગલું ભરાવું છું.
લક્ષ્મીસ્વરૂપ પ્રસન્ન થી વધૂ કહે છે — પરિવારને ધનધાન્યથી ઉત્તમ ભોજનથી સંતુષ્ટ કરીશ.

વિષ્ણુ સ્વરૂપ વર કહે છે—બળપ્રાત્પિ માટે બીજું પગલું ભરાવું છું.
લક્ષ્મીસ્વરૂપ પ્રસન્ન થઈ વધૂ કહે છે — કુટુંબનું પાલન કરીશ – સદા મીઠા વચન બોલીશ. દુઃખમાં ધીરજ ધારણ કરીશ.

વિષ્ણુ સ્વરૂપ વર કહે છે – ધનની વૃદ્ધિ માટે ત્રીજુ પગલું ભરાવું છું.
લક્ષ્મીસ્વરૂપ પ્રસન્ન થઈ વધૂ કહે છે — મન વચન કર્મથી સદાય તમારુ ચિંતન કરીશ.

વિષ્ણુ સ્વરૂપ વર કહે છે—સુખ પ્રાપ્તિ માટે ચોથું પગલું ભરાવું છું.
લક્ષ્મીસ્વરૂપ પ્રસન્ન થી વધૂ કહે છે— તમારી પ્રસન્નતા માટે શ્રંગાર-આભુષણ ધારણ કરીશ.

વિષ્ણુ સ્વરૂપ વર કહે છે—પ્રાણીઓના-પશુઓના સુખ માટે પાંચમું પગલું ભરાવું છું.
લક્ષ્મીસ્વરૂપ પ્રસન્ન થી વધૂ કહે છે— મારી સખીઓ સાથે આપની મંગલ કામના કરતી માતાજીની ભક્તિ કરીશ.

વિષ્ણુ સ્વરૂપ વર કહે છે—જુદીજુદી ઋતુઓનાં જુદાજુદા સુખો માટે છઠ્ઠું પગલું ભરાવું છું.
લક્ષ્મીસ્વરૂપ પ્રસન્ન થી વધૂ કહે છે—યજ્ઞ, હોમ, દાન વગેરે કાર્યોમાં આપ જ્યાં રહેશો ત્યાં હું આપની સેવામાં સાથે રહીશ.

વિષ્ણુ સ્વરૂપ વર કહે છે— સાતેય લોકોમાં મારી આજ્ઞાથી મારી સાથે પતિવ્રતા ધર્મથી સુંદર કીર્તિમાન થજે.
લક્ષ્મીસ્વરૂપ પ્રસન્ન થી વધૂ કહે છે— અહિયાં તમામ સંબંધીઓની સાક્ષીમાં, અગ્નિ અને બ્રાહ્મણદેવની સાક્ષીમાં વિધિપૂર્વક આપ મારા પતિ બન્યા છો તેથી મારા આનંદનો પાર નથી.

                                            ૐ નમઃ શિવાય

રાવજી પટેલનો ટહુકો

                         આજે માગશર વદ ત્રીજ

આજનો સુવિચાર:- મેળવીએ નીતિથી, વાપરીએ રીતિથી, રહીયે પ્રીતિથી તો બચીશું દુર્ગતિથી.

હેલ્થ ટીપ્સ:- તાજી મોળી છાશ પીવાથી મોંના ચાંદા મટે છે.

સાંભળો રાવજી પટેલનો ટહુકો હરીહરનનાં સ્વરે

[odeo=http://odeo.com/audio/3171433/view]

તમે રે તિલક રાજારામનાં
અમે વગડાનાં ચંદનકાષ્ટ રે
તમારી મશે ના અમે સૂઈયા
કેવાં કેવાં દખ સાજણ તમે રે સહ્યા
કહોને સાજણ દખ કેવા સહ્યા

તમે રે ઉંચેરા ઘરનાં ટોડલાં
અમે લજવાતી પાછલી રવેશ રે
તમારી મશે ના અમે સૂઈયા
કેવાં કેવાં દખ સાજણ તમે રે સહ્યા
કહો ને સાજણ દખ કેવા સહ્યા

તમે રે અક્ષર થઈને ઉકલ્યા
અમે પડતલ મુંઝાશ ઝીણી છિપણી
તમારી મશે ના અમે સૂઈયા
કેવાં કેવાં દખ સાજણ તમે રે સહ્યા
કહો ને સાજણ દખ કેવાં સહ્યા

                                                     ૐ નમઃ શિવાય

અલી પાંદડી આવજે ના’વેલી

                      આજે માગશર વદ બીજ

આજનો સુવિચાર:- બધે જ ગુણની પૂજા થાય છે, સંપત્તિની નહિ. પૂનમના ચંદ્ર કરતાં બીજનો ક્ષીણ ચંદ્ર જ વંદનીય ગણાય છે. –ચાણક્ય

હેલ્થ ટીપ્સ:- કેળાં વધારે ખવાઈ ગયા તો ઈલાયેચી ખાઈ લો તો કેળાં હજમ થઈ જશે.

 

દોહો

હે સાંજને સમે રે જ્યારે સૂરજ નમે
નરનાર લાગે વાર, સંગે રંગે રમે
કોઈ રૂપની કટોરી કોઈ રૂપનો કટોરો
કોઈ શ્યામ કોઈ ગોરી રમે છોરો અને છોરી
છેલરે છબીલીનાં છમ છમ છમે – [3]

હે માથે સોગા રે મેલીને ભરમાવી રે
કાનુડા કાને સોગા રે મેલીને ભરમાવી

હે એને લેશે દયા ના આવી રે
કાનુડા કાને સોગા રે મેલીને ભરમાવી રે

મોરલીનાં શોર સમો શોર મન ભાવતો
ભોળી ભરમાવી જાણે મોર ટહુકારતો
હે એને ટહુકે ને લહકે લલચાવી રે
કાનુડા કાને સોગા મેલીને ભરમાવી રે

કેવો અનાડી, વેણુ વજાડી
નવા નવા વેશ સજી માયા લગાડી
હે જરી ઠરી ત્યાંતો અવી ઝબકાવી રે
કાનુડા કાને સોગા રે મેલીને ભરમાવી રે

ચલણ:- હે આવો અલબેલા રે રાસ રમવાને વહેલા
હે નંદજીના લાલ હે નંદજી છેલ રે નાં છોગાળા છેલ

————
અલી પાંદડી આવજે ના’વેલી
મારું ઘુમટે ઘેરાઈ જાય રે
  મુખડું અલબેલું

અલી વીજળી આવજે ના’વેલી
મારી થર થર કાંપે કાયરે
પાંદડીમાં પોઢેલી

અલી વાદળી આવજે ના’વેલી
મારી ઝટપટ ધોવાઈ જાય રે
પાનીઓ રંગેલી

અલી માલણ આવજે ના’વેલી
મારી નીંદર નાસી જાય રે
અધવચ્ચ આવેલી

                                                  ૐ નમઃ શિવાય

યોગેશ, મારો ભઈ

                      આજે માગશર વદ એકમ

આજનો સુવિચાર:- જીવન એક આરસી જેવું છે. તેના તરફ મલકશો તો મોહક લાગશે, તેની સામે ઘૂરકશો તો તે બેડોળ લાગશે. –એડવિંગ ફોલિપ

હેલ્થ ટીપ્સ:- ફુદીનાનો અને તુલસીનો ઉકાળો પીવાથી ઝીણો તાવ મટે છે.

હું અને મારો ભઈ યોગેશ

તમને કરું શું હું અર્પણ મારા ભઈ !
તમે ખુદ તો છો સમૃદ્ધ મારા ભઈ !

પ્રથમ બનાવ બન્યો કાર્લસ્ટ્ડ્માં મારા ભઈ !
ઉત્તમ માતપિતાનું મળ્યું પારિતોષક મારા ભઈ !

કહેવાયો અજિતા યોગેશનો દિવસ મારા ભઈ !
હર્ષનાં આંસુ છલકાઈ સરી પડ્યાં મારા ભઈ !

હોત જો હાજર આપણાં માત પિતા મારા ભઈ !
ફૂલી હોત ગજ ગજ એમની છાતી મારા ભઈ !

ષષ્ટિપૂર્તિ પૂરી કરી આજે તમે મારા ભઈ !
કરો વધુ ને વધુ તમે પ્રગતિ મારા ભઈ !

શુભેચ્છા રૂપી પુષ્પગુચ્છ સ્વીકારો મારા ભઈ !
જનમદિનની તમને હો મુબારકબાદી મારા ભઈ !

નાના બેન બનેવીની તમને શુભેચ્છઓ મારા ભઈ !

My Son Tapan says for his MAMA YOGESH

I would like to share with everyone an achievement that TWO of our MAIN MEMEBERS of SDP has recently achieved.

SDP means SATYAVIS DASHA PORAVAD GYATI

On July 23, 2006, Mr. Yogesh Shah and Mrs. Ajita Shah achieved the Prestigious Award that a Parent can achieve in their life time “PARENTS OF THE YEAR AWARD”

New Jersey Parents Foundation Presented “NEW JERSEY PARENTS OF THE YEAR 2006” to Mr. & Mrs. Yogesh Shah on recognition of their outstanding dedication and sacrifices as parents. Borough of Carlstadt have also proudly declared AUGUST 21, 2006 to be & forever known as YOGESH & AJITA SHAH DAY in Borough of Carlstadt, New Jersey .

I and My whole KADAKIA family would like to Heartily Congratulate them on their Outstanding Achievement.

“WAY TO GO MAMA& MAMI”

I am sure the whole SDP Association in India and USA will be proud of both of you.

Love,

TAPAN, SHEETAL, ISH & RICHA

                                      ૐ નમઃ શિવાય

ભગવાન દત્તાત્રેય

                     આજે માગશર સુદ ચૌદસ / પૂનમ

આજનો સુવિચાર:-જીવનમાં પાછા પડો તો ત્યારે બીજા કોઈનો નહિ પણ પોતાનો જ વાંક કાઢો.

હેલ્થ ટીપ્સ:- લવિંગનું તેલ ઘસવાથી માથાનો દુઃખાવો મટે છે.


ભગવાન દત્તાત્રેય

          માગશર સુદ પૂનમ દત્ત જયંતી તરીકે ઊજવાય છે. દત્તાત્રેય ભગવાનની સાકાર મૂર્તિનું સ્વરૂપ ત્રણ મુખ, છ હાથ છે. ચાર વેદના પ્રતીક સમાન ચાર શ્વાન અને પૃથ્વીના પ્રતીક સમાન કામધેનુ ગાય સદા તેમના સંગાથી છે. એમનાં છ હાથમાં એમણે વિવિધ આયુધ ધારણ કરેલાં છે.

      લોકવાયકા મુજબ ભગવાન દત્તાત્રેયના પ્રાગ્ટ્ય કાંઈક અનોખી છે. સાત મહાસતીમાં સ્થાન પામેલાં માતા અનસૂયાના દર્શનાર્થે ખુદ દેવો પણ આવતા અને સર્વલોકમાં તેમના ગુણગાન ગવાતા. તેથી ઈર્ષાથી પ્રેરાઈને બ્રહ્માણી, લક્ષ્મીજી અને રુદ્રાણીએ બ્રહ્માજી, વિષ્ણુ અને મહેશને તેમની પરીક્ષા લેવા મજબુર કર્યાં. આમ ત્રણે દેવો બ્રહ્મચારીનું રૂપ ધારણ કરીને અનસૂયા માતા પાસે આવ્યા જે સમયે ઋષિ અત્રિ તપસ્યામાં લીન હતા. અને માતા પાસે નગ્નાવસ્થામાં ભિક્ષાની માંગણી કરી. ભિક્ષુકને ખાલી હાથે પાછા ન મોકલવાની સંસ્કૃતિને કારણે માતા અનસૂયાએ પોતાના પાતીવ્રતાને આહવાહન આપી આ ત્રણે દેવોને બાળ સ્વરૂપમાં ફેરવી દીધા. માતાએ ત્રણે બાળકને પારણામાં પધરાવી દીધાં. આ બાજુ ત્રણે દેવીઓ પોતાના પતિઓ માટે ચિંતીત થવા લાગી. ત્યારે નારદે તેઓને સમાચાર આપ્યા કે ત્રણે દેવતાઓ બાળક બનીને માતા અનસૂયાને પારણે ઝૂલે છે. ત્યારે ત્રણે દેવીઓએ માતા અનસૂયાની માફી માંગતા પોતાના પતિદેવોની માંગણી કરી. માતાએ તેમને બાળસ્વરૂપમાં તેમના પતિઓને લઈ જવા કહ્યું. પોતાના પતિની ઓળખાણ ન પડતા દેવીઓની વિનંતિથી માતા અનસૂયાએ ત્રણે દેવતાઓને તેમને પૂર્વવત સ્થિતીમાં લાવ્યાં. અને વરદાન રૂપે ત્રણે દેવતાઓને પોતાના પૂત્ર સ્વરૂપે માંગ્યા. આમ ત્રણે દેવો ‘ આદ્યગુરુ દત્તત્રેય ભગવાન’ સ્વરૂપે પ્રગટ થયાં

           ભગવાન દત્તાત્રેયે 24 ગુરુ બનાવ્યાં હતાં જેમનામાંથી તેમણે ગુણો સ્વીકાર્યાં હતાં. પૃથ્વી, વાયુ, આકાશ, જળ, અગ્નિ, ચંદ્ર, સૂર્ય, હોલો, અજગર, સમુદ્ર, પતંગ,ભમરો, હાથી, મધ ઉતારનારો પારધી, હરણ, માછલું, પિંગળા નામની વેશ્યા, ટિટોડો, બાળક, છોકરી, બાણ ઘડનાર, સર્પ, કરોળિયો, કીડો.

       ગિરનાર, આબુ, નારેશ્વર, ગરુડેશ્વર, ગંગણાપુર, કુરવપુર, નરસિંહ વાડો, ઔદુમ્બર, અક્કલકોટ, કાંરજા, માહુર વગેરે ભગવાન દત્તાત્રેયનાં મુખ્ય સ્થાનકો છે.

                                  ૐ નમઃ શિવાય

હેલન કેલર

           આજે માગશર સુદ તેરસ

આજનો સુવિચાર:- ભોગની નહીં પણ ત્યાગની ભાવના ગ્રહણ કરો.

હેલ્થ ટીપ્સ:- જીરાને શેકીને ખાવાથી પાયોરીયાની દુર્ગંધ દૂર થશે.

[અમેરિકા સ્થિત શ્રી ભગેશભાઈ કડકિઆએ આ લેખ મોકલાવ્યા બદલ ખૂબ આભાર. તેઓ અમેરિકામાં પ્રસારિત થતાં આપણી ગુજરાતી ભાષાનાં મેગેઝિન તથા ગુજરાતી ન્યુઝ પેપરનાં પ્રસિદ્ધ લેખક છે. તમારા પ્રતિભાવો તેમને મોકલવા હોય તો rfkadakia@yahoo.com પર લખી શકો છો.]

    હાસ્યરસિક લેખક માર્ક ટ્વીએને એકવાર જણાવેલું કે જો 19 મી સદીમાં બે સૌથી રસિક પાત્રો થયાં હોય તો તે એક નેપોલિયન અને બીજાં હેલન કેલર.

     હેલન કેલરનો જન્મ 27મી જુન, 1880માં અમેરિકાના ટુસ્કમ્બિયા શહેરમાં થયો હતો. દોઢ વર્ષની વયે તેઓ સખ્ત બિમારીમાં પટકાયા હતાં. એ ભયાનક માંદગીને પરિણામે તેમણે જીવનમાં સૌથી અગત્યનું સ્થાન ધરાવતી પાંચ જ્ઞાનેન્દ્રિયોમાંથી ત્રણ જ્ઞાનેન્દ્રિય- ચર્મચક્ષુ, શ્રવણેન્દ્રિય અને વાચા ખોઈ. તેમનું જીવન કપરૂં બન્યુ. પણ તેમના જીવનની આ કઠિનાઈ લાંબો વખત ન ટકી. છ વર્ષની વયે, શિક્ષિકા તરીકે ઍન સ્લીવના આગમનથી એમનું જીવન પ્રગતિનાં પંથે પ્રયાણ કરવા લાગ્યું.

       તેમને સ્પર્શથી દર્શન અને શ્રવણશક્તિ પ્રાપ્ત કરી. તેમની વાચા તો ઍન સ્લીવના આગમન પછી તરત જ પ્રગટી હતી. અઢાર વર્ષની ઉંમરે તેમણે ભૂમિતિ, બીજગણિત, ભૌતિકશાસ્ત્ર, પ્રાણીશાસ્ત્ર અને ફિલસુફીનો અભ્યાસ કરી લીધો હતો. વધુમાં કૉલેજ જીવન દરમિયાન તેમણે ફ્રેંચ. અંગ્રેજી, ગ્રીક અને ઈટાલિયન ભાષાઓ જાણી લીધી હતી.

   સાહિત્ય પ્રત્યેની રુચિ હોવાથી કૉલેજના બીજા વર્ષ દરમિયાન તેમણે ‘ધી સ્ટોરી ઑફ માય લાઈફ’ નામનું પુસ્તક લખેલું હતું. જેમ એકની ઉણપ બીજાની પૂરક બને તેમ તેમની બે ઈન્દ્રિયોની ખોટ અતિ તિવ્ર ઘ્રાણેન્દ્રિય તથા સ્પર્શેન્દ્રિયથી પૂરક બની હતી.

    આંધળાઓના વિકાસ માટે તેમણે બ્રેઈલ લિપિમાં 10 પુસ્તકો લખ્યાં. વધુમાં બી.એ.,ડી.લીટ. અને એલ. એલ.ડી. જેવી ઉપાધિઓ મેળવી હતી. તેઓ નિત્ય દસેક કલાક સેવાકાર્ય કરતાં. આધ્યાત્મિક ક્ષેત્રે તેમણે ખૂબજ પ્રગતિ કરી હતી. મોટી ઉંમરે તેઓ અંધોની સેવા કરતાં રહ્યા હતાં તેથી તેઓ ‘અંધોની પ્રેરણામૂર્તિ’ તરીકે ઓળખાતા. તેમને મળેલા પારિતોષકો, ઈલ્કાબો, ઈનામો તેમણે અંધોને માટે ઉપયોગમાં લીધાં હતાં. અંધોની સેવા કાજે ફંડ ઊભું કરવા તેમણે દુનિયાની બબ્બેવાર પ્રદક્ષિણા કરી હતી. તેમનું મૃત્યુ 1 જુન 1968 ના દિવસે થયું હતું.

         આ અંધ, બધિર લેખિકા તથા શિક્ષિકા – હેલન કેલર- અવનિનાં અદ્વિતિય નારી તરીકે નેત્રી વિનાના નેત્રી પરખાતાં, સાચે જાદુગર સમાન હતાં. શારીરિક અપંગતાઓ ઉપર વિજય મેળવવાની માનવીની ઈચ્છાશક્તિનું તેઓ એક અનોખું ઉદાહરણ હતાં.

                                                                ૐ નમઃ શિવાય

કલરથેરેપી

                           આજે માગશર સુદ બારસ

    આજનો સુવિચાર:- અવલોકનદૃષ્ટિ ગરૂડ જેવી બનાવો જે વિશ્વપદાર્થોનાં ઉપરછલ્લાં સ્વરૂપોને,ભીતરનાં ભંડારને બહાર લાવી શકે છે. એના ખરા સ્વરૂપને અનાવૃત્ત કરી શકે છે.                                                                                                     –  ગાંધીજી

હેલ્થ ટીપ્સ:- ગરમ પાણીમાં હળદર,મીઠું અને ઘી મેળવી પીવાથી ઉધરસ અને કફ મટે છે.

     નીલય અને નીલિમાના ઘરસંસારમાં ખરેખર કોઈ જ પ્રશ્નો નહોતા. વીસ વર્ષનું લગ્નજીવન, અપૂર્વ અને રોશની- ટીન એઈજ બાળકો, મોટું જાહોજલાલીવાળું ઘર, નીલયની ડૉક્ટર તરીકેની ધીકતી પ્રેક્ટિસ, નીલિમાનું સમાજસેવાનું કાર્ય, અપૂર્વ યુનિવર્સિટી-સ્ટુડંટ-રોશની ‘એ’ ગ્રેડની સ્ટુડંટ- પાંચમાં પૂછાતું ઘર અને આબરૂ- શું જોઈએ સુખી થવા માટે? સાથે બે કૂક, બે ડ્રાઈવર, પાંચ નોકરો માળી વગેરે પણ.

    પણ ભાગ્યે જ કુટુંબીજનો એકબીજાને મળી શકતા. કદીક તો અઠવાડિયામાં એકવાર એકબીજાનું મોં જોઈ શકતા. નીલયની સાંજ ક્લબમાં, નીલિમા સમાજ સેવામાં બીઝી, અપૂર્વ અને રોશની મિત્ર વર્તુળમાં હોય, જે કોઈ ડિનર લેવાનાં હોય તે કૂકને ફોન કરી દે. રાત્રે સૂવા આવે ત્યારે થાકેલા પોત-પોતાના બેડરૂમમાં પૂરાઈ જતાં. હા, નીલયની મોટીબહેન રોહિણી, પતિ સોહન અને પુત્ર પરમનું ચાર અઠવાડિયા માટે અમેરિકાથી આગમનથી દોશી કુટુંબની દિનચર્યામાં થોડો ફેરફાર આવ્યો હતો..

         રોહિણીએ આદેશ આપ્યો કે કોઈ બહારનો પ્રોગ્રામ નહી બનાવશો કે તમારો પ્રોગ્રામ ડીસ્ટર્બ નહી કરતા , અમે અહીં આરામ કરવા આવ્યાં છીએ. રોહિણી ઈંટરીઅર ડિઝાઈનર હતી. તેને લાગ્યું ઘરમાં ફેરફાર કરવાની જરૂર છે. તેને માસ્ટર પ્લાન બનાવી દીધો.

     કિચનની દીવાલો લીલા રંગ રંગી અને લીલો સમૃદ્ધ રંગ જેનું મેઘધનુષમાં મહત્વનું સ્થાન છે. લીલો એટલે બેલેંસ અને હાર્મની. ન્યુટ્રલ નહી ગરમ નહીં ઠંડો. ગ્રીન એટલે ઈક્વીલીબ્રિયન. જેની શરૂઆત કીચનથી થવી જોઈએ. એનો ગુણ ધર્મ છે કે રીંગ, શેરીંગ, કાઈંડનેસ, કમ્પેશન અને સ્ટ્રેસ રીલીવીંગ.

      લીવિંગરૂમમાં વાયોલેટ રંગ જે સેલ્ફ-એસ્ટીમ, ડીગ્નીટી અને રીસ્પેક્ટની પ્રતીતિ કરાવે છે. આ રૂમ કે જ્યાં વ્યક્તિ પોતાનાં મૂળ અસ્તિત્વને શોધી શકે. યોગ, મેડિટેશન અને સ્પીરીચ્યુઅલ પ્રેક્ટીસ માટેનો રૂમ. પ્રાર્થના રૂમ જ્યાં કોઈ ભગવાનની મૂર્તિ હોય ! એકવાર અંદર દાખલ થાવ કે એનાં વાઈબ્રેશન તમને પકડી રાખે.

       ડ્રોઈંગ રૂમમાં મીએન શેડ ઓરેંજ અને યેલો જ્યાં અનેક લોકોની અવર જવર એટલે એ રૂમ ફોર મૂવમેંટ ડીલાઈટફૂલ એનર્જીનો અહેસાસ.

        બેડરૂમમાં પિંક કલર હોય તો સોનામાં સુગંધ ભળી જાય. રોમાંસનો રાજા એટલે પિંક કલર. આ રંગ નાજુક છે અને સુધીંગ છે. બુદ્ધિને આરામ આપે છે તેમજ હૃદયના અવાજને બહાર લાવવાનું કામ કરે છે.

     લાલ રંગનાં પ્લસ માઈનસ બંને ગુણ છે. બેડરૂમ માટે આ રંગ કામનો નથી. બ્લડ પ્રેશર વધારે છે ડિપ્રેસિવ બનાવે છે. મોટી ઉમરનાં યુગલનાં બેડરૂમ માટે આ રંગ નકામો પરંતુ ટીન એજરો માટે લાઈવ રંગ છે એનર્જેટિક રંગ છે.
     આમ નીલય અને નીલિમાનાં ઘરનાં દીદાર બદલાઈ ગયાં અને ઘર ધમધમતું થઈ ગયું. ડીનર ટેબલ પર સહુ મળવા લાગ્યા. ક્લબ, સમાજસેવા, મિત્ર વર્તુળો ઓછાં થયાં. આમ કલરથી હીલિંગ થયું.

                                                                                             -સંકલિત

                                          ૐ નમઃ શિવાય

ગીતામૃત [સાંભળો ભજન]

                             આજે માગશર સુદ એકાદશી

આજનો સુવિચાર:- તું બધાં જ કર્મોનો ત્યાગ કરીને મારે શરણે આવ, કર્મોનો ત્યાગ કરવાથી પાપ થશે. તેની ચિંતા છોડ. હું તને બધાં જ પાપોમાંથી મુક્ત કરીશ. ——— શ્રીમદ ભગવતગીતા

હેલ્થ ટીપ્સ:- તુલસીનાં પાનને દહીં કે છશ સાથે લેવાથી એસિડિ મટે છે.

                               ગીતા અમૃત

1] આત્મા કદી જન્મતો નથી, તેમજ કદી મૃત નથી પામતો.

2] સારા નરસાની ચિંતા પ્રભુ પર છોડી દો. ભૂત. ભવિષ્યની ચિંતા છોડી વર્તમાનને અનુસરીને ચાલો.. જે થયું તે સારું જ થયું, જે થઈ રહ્યું છે તે પણ સારું જ થાય છે અને જે થવાનું છે તે પણ સારા માટે થવાનું છે.

3] તું શું લાવ્યો હતો ? કે તારે ગુમાવવું પડ્યું.

4] તેં જે મેળવ્યું છે તે પ્રભુની પ્રસાદી સમજ અને તેને પાછું સોંપી દે. ખાલી હાથ જવાનાં છીએ.

5] જે આજે તારું છે તે કાલે બીજાનું હતું અને પરમ દિવસે બીજાનું થશે.

6] તું જેને આજ પોતાનું માની આનંદ કરે છે તે જ તારા દુઃખનું કારણ છે.

7] પરિવર્તન સંસારનો નિયમ છે.

8] એક પળમાં અમીર થવાશે અને બીજી પળમાં ગરીબ.

9] આપણું પરાયું જો મનમાંથી નીકળી જશે તો બધું પોતાનું જ છે.

10] આ શરીર અગ્નિ,જળ,વાયુ, પૃથ્વી, આકાશમાંથી બન્યું છે અને અંતે તેમાં જ મળી જવાનું છે.

11] મોક્ષ પામવાનો સરળ ઉપાય પ્રભુ પર પૂરી શ્રદ્ધા રાખી અર્પણ કરવું.

12] ભય, ચિંતા, શોક, દુઃખ વિગેરેમાંથી મુક્ત પામવા જે કર્મ કરો તે પ્રભુને અર્પણ કરો.

13] અહંકારનો ત્યાગ કરો.

14] સંસારમાં પ્રભુનું ધાર્યુ જ થાય છે.

15] પ્રભુની ઈચ્છા વિરુદ્ધનું કાર્ય કદી સફળ થતું નથી.

16] શુભ કામ કરનાર કદિ દુર્ગતિને પામતો નથી.

[odeo=http://odeo.com/audio/3487263/view]

ગાયિકા:- નીલા કડકિઆ

                                      ભજન

નામ લેતાં તારું ગોવિંદ, મને થાય અતિવ આનંદ

તું શક્તિરૂપ શબ્દોમાં, તું અર્થ મધુર ગીતોમાં
તું ભાવ રૂપે સહુ ઉરમાં, તું પુષ્પો માંહી છે સુગંધ

તું સૂર માંહી સંગીત, તું પ્રેમીજનની પ્રીત
તું દિલ માંહી છે ઉમંગ, તું અનાદિ અને છે અનંત

તું તેજ રૂપ સવિતામાં, શીતલતા ચંદ્ર કિરણમાં
ચંચળ થઈ વાયુવેગે ઊછળે તું જલાબ્ધિ તરંગ

તું સ્નેહરૂપ સીતામાં, તું જ્ઞાન બન્યો ગીતામાં
તું સત્ય રૂપે રઘુનંદન પ્રેમે તું બન્યો છે મુકુંદ

તું ગુપ્ત વસે આ જગમાં, સંતાયો નિજ સર્જનમાં
તારો વાસ છતાં કણ કણમાં રંગ્યું તે સકળ તવ રંગ

                            ૐ નમઃ શિવાય