આસો વદ એકાદશી
આજનો સુવિચાર:- સફળતા અને પ્રસન્નતા એ બેમાંથી પસંદગી કરવાની હોય તો પ્રસન્નતાની પસંદગીમાં ઉતારવામાં સાચી બુદ્ધિમત્તા છે.
હેલ્થ ટીપ્સ :- ડિપ્રેશન દૂર કરવાની મહત્વની વાત એ છે કે ‘તમે જેવા છો તેવા જ બરાબર છો અને પર્માત્માને પ્રિય છો, એ સ્વીકારો. એવું કોઈપન કાર્ય ન કરો જેનાથી સ્વયં પરમાત્માને પણ શરમાવું પડે.
હું શાળામાં ભણતી હતી ત્યારે મહાસાગરનું આ કાવ્ય શીખી હતી અચાનક મળી જતાં લખવાનું મન થઈ ગયું.
મહાસાગર
ખારા ખારા ઊસ જેવા
આછાં-આછાં તેલ,
પોણી દુનિયા ઉપર
એવાં પાણી રેલમછેલ !
આરો કે ઓવારો નહીં
પાળ કે પરથારો નહીં
સામો તો કિનારો નહીં
પથરાયા એ જળભંડાર સભર ભર્યાં
આભનાં સીમાડા પરથી,
મોટા મોટા તરંગ ઊઠી,
વાયુ વેગે આગળ થાય,
ને અથડાતા-પછડાતા જાય !
ઘોર કરીને ઘૂઘવે,
ગરજે સાગર ઘેરે રવે !
કિનારાના ખડકો સાથે,
ધિંગામસ્તી કરતો-કરતો,
ફીણથી ફૂંફાડા કરતો,
ઓરો આવે, આઘો થાય,
ને ભરતી-ઓટ કરતો જાય !
ઊંડો ઊંડો ગજબ ઊંડો !
માણસ ડૂબે, ઘોડા ડૂબે !
ઊંચા ઊંચા ઊંટ ડૂબે !
હાથી જેવાં તૂત ડૂબે !
કિલ્લાની કિનાર ડૂબે !
તાડ જેવાં ઝાડ ડૂબે !
મોટા મોટા પહાડ ડૂબે !
ગાંડો થઈને રેલે તો તો
આખી દુનિયા જળબંબોળ જળબંબોળ !
વિશાળ લાંબો પહોળો
ઊંડો એવો મોટો ગંજાવર !
એના જેવું કોઈયે ન મળે !
મહાસાગર તો મહાસાગર !
કવિશ્રી:- ત્રિભુવનદાસ વ્યાસ
ૐ નમઃ શિવાય
તબીયત ખુશ થઈ ગઈ, નીલાબેન. કવીતાથી અને ફોટાથી.
LikeLike
હા મને પણ યાદ છે આ કવીતા.
બહુ વખતે વાંચીને એ દિવસો યાદ આવી ગયા.
LikeLike
દરિયાદેવને નમસ્કાર ! સમુદ્રમંથન યાદ આવ્યુ !
આ કાવ્ય સાંભળેલું હોય એવું લાગે છે.આભાર !
LikeLike
school days yaad avi gaya
LikeLike
આરો કે ઓવારો નહીં
પાળ કે પરથારો નહીં
સામો તો કિનારો નહીં
પથરાયા એ જળભંડાર સભર ભર્યાં..
લયને સારી રીતે વણ્યા છે.. સરસ રચના છે
LikeLike
હમણાં દરિયા ઉપર એક લલિત નિબંધ લખતી હતી ત્યારે શરૂઆત આ કાવ્યની પંક્તિથી જ કરી. શૈશવની યાદો આ કાવ્ય સાથે સંકળાયેલ છે. આજે પણ કેટલી જ તાજગી છે આ કાવ્યમાં.
મજા આવી માણવાની ફરી એકવાર
LikeLike
BALPAN MA lai java badal Neelaben aapno
khub khub abhar
mari gamati kavita—- maja aavi
LikeLike
ખૂબ ખૂબ આભાર. ઘણા વખતથી આ કવિતા શોધતો હતો.
LikeLike
પિંગબેક: મહાસાગર - ત્રિભુવનદાસ વ્યાસ | ટહુકો.કોમ