આજે અષાઢ વદ પાંચમ
આજનો સુવિચાર:- લક્ષ્યની ઊંચાઈને જોઈ ગભરાઈ જશો તો તેને પ્રાપ્ત ક્યાંથી કરી શકશો?
હેલ્થ ટીપ:- એક ચમચી વરિયાળીચૂર્ણને રાત્રે ગરમ પાણી સાથે લેવાથી જૂના કબજિયાત પર રાહત રહેશે.
કીચન ટીપ્સ
• ઘીની તાજગી જાળવી રાખવા ઘીની બરણીમાં સિંધવનો ગાંગડો મૂકી રાખો.
• વાસણમાં ખાદ્ય પદાર્થ ચોંટી ગયો હોય તો વાસણ સાફ કરવા તેમાં પાણીમાં અડધો કપ બેકિંગ સોડા નાખી ઉકાળવાથી ચોંટી ગયેલો પદાર્થ ઉખડી જશે.
• સેંડવીચ તાજી રાખવા તેને પોલિથીનની થેલીમાં વીટાળી રેફ્રિજરેટરમાં મૂકો.
• પાલકનો લીલો રંગ જાળવી રાખવા રાંધતી વખતે તપેલું કે કઢાઈ ખુલ્લી રાખવી.
• આઈસક્રીમના સ્કૂપ બરાબર નીકળે તે માટે સ્કૂપથી આઈસક્રીમ કાઢતા પહેલા તેને ગરમ પાણીમાં ડૂબાડવી.
• ઍલ્યુમિનિયમનું વાસણ બળી જાય તો વાસણમાં એક કાંદો કાપી ઉકાળવાથી બળી ગયેલું પડ તરત છૂટું પડી જશે.
• ગરમીની ઋતુમાં કીડી મંકોડાના ઉપદ્રવથી બચવા એક ગ્લાસ ગરમ પાણીમાં મીઠું ભેળવી તેમના દર પાસે રેડી દો કીડી મંકોડા દૂર થઈ જશે.
• દૂધના ઉભરાથી બચવા તપેલાની કિનારી પર ઘી લગાડી દો.
• કાંદા સાંતળતી વખતે પહેલાં થોડા ગરમ કરો પછી ઘી કે તેલ નાખવાથી કાંદા જલ્દી સંતળાઈ જશે.
• કાંદા કાપતા પહેલા તેને ધોઈ નાખો તેમજ છરીને પાણીમા ધોઈ નાખો.
• ચાની ઉકાળેલી પત્તીને ચીકણા વાસણો પર લગાડવાથી વાસણની ચીકાશ જતી રહેશે.
• કસ્ટર્ડ બનાવતી વખતે એક ચમચી મધ તથા સાકર ભેળવી નાખવાથી કસ્ટર્ડ સ્વાદિષ્ટ થશે.
• કઢી ઉકાળતી વખતે જો ફોદા થતાં હોય તો તેમાં મીઠું કઢી ઉકળ્યા બાદ નાખો.
• ટામેટા મૂળા કે બીટ જેવા શાક ઝાઝો વખત ફ્રીજમાંરહેવાથી નરમ પડી જાય તો તેની રાતભર મીઠાનાં પાણીમાં ડૂબાડી રાખો. કડક થઈ જશે.
• વાંદાના ઉપદ્રવથી બચવા બોરિક પાઉડર ભભરાવી દો.
ૐ નમઃ શિવાય
