બે કવિતા

                       આજે અષાઢ વદ એકમ

આજનો સુવિચાર:- સારા થવા માટે સારું જોવું, સારું સાંભળવું અને સારું વિચારવું જરૂરી છે.

હેલ્થ ટીપ :- વારંવાર તરસ લાગતી હોય તો લવિંગને પાણી સાથે વાટી તેની પેસ્ટ બનાવી હુંફાળા પાણી સાથે લેવાથી તરસ છીપાશે.

 

[અમેરિકા સ્થિત શ્રી રમેશભાઈ પટેલે મોકલાવેલી આ રચનાઓ બદલ મેઘધનુષ તરફથી આભાર.]

સજાવી જાય છે

ગડગડાટ આભલે વાદળોની શક્તિથી સરજાય છે
કંદરાના પડઘા મફતમાં હુંકારા ધરી જાય છે
લાવ લાવની લતે સાગર ખારો થઈ પસ્તાય છે
ન્યોછાવરી મેઘો લીલોતરીની પ્રસાદી પીરસી જાય છે

છળકપટી જાદુ જમાનાનો સઘળે વરતાય છે
ઢોળના દાગીના સુર્વણ ભાવે વેચાઈ જાય છે
સાચા ફૂલો થયા જે બીચારા તવાયે શેકાય છે
કાગળના ફૂલો મહેફીલના રંગો માણી જાય છે

દ્વારે ઊભા ભગવાન સામે કમાડ બંધ થાય છે
થાપ દઈ શ્રધાને પાખંડી ખુદ પૂંજાઈ જાય છે
રંગમાં રંગ ભળે તો વસંત ખીલી જાય છે
માનવમાં માનવતા ખીલે તો પ્રભુતા પ્રગટી જાય છે

આકાશદીપ ગ્રહણ દોષે વિષાદી વરતાય છે
થઈ સપ્તરંગી વિજ ઉત્સવો સજાવી જાય છે

રમેશ પટેલ(આકાશદીપ)

પંચવટી

હું રે પંચવટી રાજા રામની,મંગલકારી ધરણી ભારત ભોમની
ચરણ રજ હૈયે ધરી , પ્રભુતા પખાળે માત ગોદાવરી

રામ રાવણના રે ભેદ, અમે નીરખ્યા ભરી આંખડી
ભારતવર્ષના પલટ્યા રે ભાગ્ય, વદુ હરખે રુડી વાતડી

પ્રતિજ્ઞા પાલક અયોધ્યા રાજવી, સાથે ભ્રાતા લક્ષમણ વીર
ધનુષ્ય બાણે શોભે રામજી, બનાવે અભય અરણ્યને ધીર

પુષ્પો પંખી લાગે પ્રેમડાં,સીતા રામના વરસે રે સ્નેહ
નગરનાં સુખ લાગ્યાં વામણાં,જંગલના મંગલ દિશે રે વેશ

મોહીત શૂર્પંણખા વને ભમતી,ગર્વે ધસી કરે રે ધૃષ્ટતા
કોપિત લક્ષમણે દીધા દંડદા, લંકા જઈ નાખે રે ધા

તપસ્વી વેષે રાવણ આવીયો,સીતા હરણના ખેલ્યા રે દાવ
થયો મારીચ સોના મૃગલો,પાથરી આસુરી માયાનો પ્રભાવ

ભૂલ્યો રે ભાન અભિમાની અંતમાં,ના ઓળખી વિનાશની આગ
જલાવી લંકા ભક્ત હનુમાને, રામ મુદ્રા દઈ આપી પહેચાન

કપિગણે રામસેતુ રચીયો,સાગર ઓળંગી આવ્યા લંકા દ્વાર
રોળ્યો રાવણ વિજયા દશમીએ,ધર્મ ધ્વજા ફરકાવી સંસાર

વંદે પરમ ભાગ્યને પંચવટી,તવ ચરણે તીર્થ પ્રગટ્યા યુગાવતરી
ધન્ય ધન્ય પંચવટી રાજા રામની,ભાવે થઈતું ચરણ અનુરાગિણી

રમેશ પટેલ(આકાશદીપ)

                                            ૐ નમઃ શિવાય

ગુરૂપૂર્ણિમા

આજે અષાઢ સુદ પૂનમ [ગુરૂપૂર્ણિમા]

ગુરૂપૂર્ણિમાને વ્યાસપૂર્ણિમા પણ કહેવાય છે.

આજનો સુવિચાર:- ગુરૂ બિના જ્ઞાન નહી, ગુરૂ બિના ધ્યાન નહી.

હેલ્થ ટીપ:- નસ્કોરી ફૂટતી હોય તો લવિંગ અને હળદર સાથે વાટી પેસ્ટ બનાવીને નાકના ફોયણા પર લગાડવી તરત લાભ થશે.

 

ગુરુ ગોવિંદ દોનો ખડે કાકે લાગુ પાય
બલિહારી મૈં ગુરૂકી જીન ગોવિંદ દિયો બતાય

ચરણ તિહારે સદગુરૂ પ્યારે
અપને હૃદય બસાઉં
જૈ ગોવિંદ જૈ સદગુરૂ જૈ,
ગોવિંદ, ગોવિંદ ગાઉં

તુમ સા સજ્જન ઔર ન કોઈ
તાત માત ન ભાઈ
તુમ હી પ્રભુ, ગુરૂદેવ હમારે
તુમ બિન કૌન સહાઈ
તુમ મેરે પ્રીતમ તુમ મીત હમારે
નિત ગુરૂ નામ દિયાઉં
–ચરણ તિહારે

મનમેં રાખું છબિ તિહારી,
મુખસે લું હરિનામ
સદગુરૂ ગોવિંદ એક હૈ દોનો
એક હૈ સદગુરૂ શ્યામ
સદગુરૂ મીલે મીલે પરમેશ્વર
બાર બાર બલી જાઉં
– ચરણ તિહારે

તનમન ધનસે કરું મૈં સેવા
તેરી સદગુરૂ પ્યાર
તું રાખે યા મારે સાજન
પડી રહું મૈ દ્વારે
જનમ જનમકી દાસી મીરા
જો તું, દે મૈં પાઉં
— ચરણ તિહારે

 

                                     ૐ નમઃ શિવાય