બાળચિત્રો

                               આજે મહા વદ એકમ

આજનો સુવિચાર:- માતાનો ખોળો એટલે દુનિયાની સૌથી સલામત જગ્યા.

હેલ્થ ટીપ:- આમળાનાં ચૂર્ણને ઘી અને ગોળમાં ભેળવી લેવાથી પેશાબની તકલીફમાં રાહત રહેશે.

[આ ચિત્રો આપવા બદલ આદિત્ય ધારીયા અને આયુષી ધારીયાનો મેઘધનુષ તરફથી ખૂબ ખૂબ આભાર.]

 

- આયુષી ધારીયા

ચિત્ર બનાવનાર:- આયુષી ધારીયા

- આદિત્ય ધારીયા

ચિત્ર બનાવનાર:- આદિત્ય ધારીયા

 

 

આયુષી ધારીયા

આયુષી ધારીયા

 

આદિત્ય ધારીયા

આદિત્ય ધારીયા

ૐ  નમઃ શિવાય
Advertisements

સ્થાપત્યના દેવ વિશ્વકર્મા

                  આજે મહા સુદ તેરસ [વિશ્વકર્મા જયંતી]

આજનો સુવિચાર:- કર્મ સાથે જોડાયેલું જ્ઞાન જ સાર્થક ગણાય છે.

હેલ્થ ટીપ :- લસણને સમય, પ્રકૃતિ તથા પ્રમાણમાં લેવાથી દમ, પક્ષઘાત,સાંધાના   દરદોમાં, ચૂંક, કટિશૂળ, હેડકી વગેરે રોગોમાં રાહત રહે છે.

[rockyou id=132298962&w=324&h=243]

 

                        સ્થાપત્યના દેવ

        શિલ્પ-સ્થાપત્ય તથા ઈજનેરી વિદ્યાનો પૃથ્વી પર પાયો નાખનાર વિશ્વકર્મા છે. કૃષ્ણ ભગવાન માટેની અલૌકિક નગરી દ્વારિકાનું નિર્માણ કરનાર, ધૃતરાષ્ટ્ર માટે હસ્તિનાપુર, પાંડવો માટે ઈન્દ્રપ્રસ્થ, રાવણની સોનાની લંકાનું નિર્માણ કરનાર વિશ્વકર્મા તો હતા. તેમણે શ્રી વિષ્ણુનુ સુદર્શન ચક્ર, શિવજીનુ ત્રિશૂળ, ઈન્દ્રનું વજ્ર અને રથ, શસ્ત્ર-અસ્ત્ર આભૂષણો અને વિમાન બનાવ્યા હતા. લંકા સુધી પહોંચવા માટે શ્રી રામે રામસેતુ માટે વિશ્વકર્માની મદદ માંગી હતી. આથી વિશ્વકર્માના માર્ગદર્શન હેઠળ નલ અને નીલે રામસેતુનું નિર્માણ કર્યુ હતુ. વિશ્વકર્મા એટલે દેવોના ઍંજિનિયર.

      આ ઉપરાંત તેમણે 14 બ્રહ્માંડની રચના કરી હતી. તમામ લોક, વાયુમંડળ, કૈલાસ, વૈકુંઠ, બ્રહ્મપુરી, ઈંદ્રપુરી, સ્વર્ગ, પૃથ્વી, પાતાળના નાગલોક વગેરેનું સર્જન કર્યું હતુ.

     કહેવાય છે કે યાદવ પ્રજાના રક્ષણ માટે શ્રીકૃષ્ણ અને બલરામજીના આહવાનથી વિશ્વકર્મા પ્રગટ થયા હતા અને કૃષ્ણની વિનંતીથી વિશ્વકર્માએ દ્વારિકાનગરીનું નિર્માણ કર્યું હતું. કહેવાય છે કે જરાસંઘના ત્રાસથી બચવા નગરીના દ્વારની એવી વિશિષ્ટ રચના કરવામાં આવી હતી જેને લીધે અજાણી વ્યક્તિની નજર ન પડે. વિશ્વની રચના કરનારા વિશ્વકર્મા અખિલ બ્રહ્માંડના સર્જનહાર કહેવાય છે. મહા સુદ તેરસના રોજ તેમનો જન્મદિવસ તરીકે ઊજવાય છે. આ દિવસે વિશ્વકર્માના વંશજો પોતાના ધંધા રોજગાર બંધ રાખી વિશ્વક્ર્મા પ્રભુની પૂજા-અર્ચના કરે છે.

     કહેવાય છે કે સંજ્ઞા નામની એમની પુત્રીના લગ્ન સૂર્ય સાથે થયા હતા પરંતુ સૂર્યનું તેજ તે સહન ન કરી શકી તેથી પાછી આવી. જ્યારે સૂર્ય તેને લેવા પાછા આવ્યા ત્યારે વિશ્વકર્માએ સૂર્યનું વિશાળ પ્રભાવક તેજ કાપી છીણીને ઓછું કરી-માપસર કરી નાખ્યું અને બાકી વધેલા તેજથી દેવો માટે તેજસ્વી શસ્ત્રો બનાવ્યા અને દીકરી અને જમાઈને વિદાય કર્યા. એમની ત્રણ પત્નીઓ આકૃતિ, પ્રપ્તિ અને નંદી ત્રણ પત્નીઓ છે. બહિષ્મતિ, સંજ્ઞા અને તિલોત્તમા નામે ત્રણ પુત્રીઓ છે. કલા-કારીગરી અને નવનિર્માણ માટે વિશ્વકર્માએ પાંચ સંતાન ઉત્પન્ન કર્યા. મન [લુહાર-પંચાલ], મય [સુથાર], ત્વષ્ટા [કંસારા], શિલ્પી [કડિયા] અને દેવરી [સોની]ને સમાજ રચનાનું કાર્ય સોંપ્યું. આ કાર્યો કરવા પાંચેય પુત્રોને વિવિધ ઓજાર, શસ્ત્રોની ભેટ આપી.

      પુરાણ કથાનુસાર વિશ્વકર્મા બ્રાહ્મણ હતા. ધૃતાચી નામની અપ્સરા શાપ પામતાં ગોવાળ કન્યા બની અને વિશ્વકર્મા બ્રાહ્મણ બન્યા. બન્નેના સંયોગથી દરજી, કુંભાર, સોની, કડિયા વગેરે તંત્રવિદ્યાપ્રવીણ જ્ઞાતિઓ નિર્માણ થઈ. આમ વિશ્વકર્માના વંશજો પંચાલ બ્રાહ્મણથી ઓળખાયા.

                                      ૐ નમઃ શિવાય

આજનો સુવિચાર

                 આજે મહા સુદ એકાદશી [દ્વાદશીનો ક્ષય]

                                આજનો સુવિચાર

                                
                             ‘નાનું’ કાંઈ જ નથી
             નાનકડા બીજમાંથી વૃક્ષ પ્રગટે છે
અત્તરના એક જ ટીપામાંથી ઓરડો સુવાસિત બને છે
    વિષના એક જ ટીપાથી જીવન સમાપ્ત થાય છે
એક જ કટુ વચનથી મીઠા સંબંધો પર પૂર્ણવિરામ આવી જાય છે
   પ્રીતના એક જ પોસ્ટકાર્ડથી પ્રભુ મનમંદિરમાં પધારે છે
        આશાના એક જ તાંતણે દુઃખોની વણઝાર આવે છે
                   તો આ જગતમાં નાનું શું છે ??????

               
                       ૐ નમઃ શિવાય

પગલાં વસંતના

                           આજે મહા સુદ દસમ

આજનો સુવિચાર:– શિક્ષણ ધર્મ છે, મૂલ્યનિષ્ઠ શિક્ષણ પરમધર્મ છે. – મોરારીબાપુ

હેલ્થ ટીપ :- કમરના દુઃખાવામાંથી બચવા ઊભા રહેતા કે બેસતી વખતે કાન, ખભા અને થાપા સીધી લીટીમાં રહે તેમ ટટ્ટાર રહો.

                                                             પગલાં વસંતના

વસંત ઋતુ

વસંત ઋતુ

 

 

કવિશ્રી-મનોજ ખંડેરિયા

આ ડાળ ડાળ જાણે કે રસ્તા વસંતના
ફૂલો એ બીજું કૈં નથી, પગલા વસંતના !

મલયાનીલોની પીંછી ને રંગ ફૂલોનાં લૈ
દોરી રહ્યું છે કોણ આ નકશા વસંતના !

આ એક તારા અંગે ને બીજો ચમન મહીં
જાણે કે બે પડી ગયાં ફાંટા વસંતના !

મહેકી રહી છે મંજરી એકેક આંસુમાં
મ્હોર્યો છે આજ આંખમાં આંબા વસંતના !

ઊડી રહ્યાં છે યાદનાં અબીલ ને ગુલાલ
હૈયે થયા છે આજ તો છાંટા વસંતના !

ફાંટું ભરીને સોનું સૂરજનું ભરો હવે
પાછા ફરી ન આવશે તડકા વસંતના !

કેટલી સુંદર વાત કહે છે મનોજભાઈએ !

વસંતપંચમી એટલે સરસ્વતીમાના પૂજનનો દિવસ. આમ તો વસંતપંચમી એટલે ભારતીય વેલૅંટાઈન ડે. અને વસંતના દિવસો તો હોળી સુધીનાં ગણાય છે.

     ઠંડી અને ગરમીની ઋતુનો સમનવય એટલે વસંત એમાંયે સરસ્વતીમાને વંદનાના દિવસો. આપણા કવિઓની કલમ પણ જુઓને આ દિવસોમાં કેટલી ખીલી ઊઠે છે ! સરસ્વતીમા વીણાવાદિની અને જેનું વાહન હંસ છે. હંસ એ વિવેકનું પ્રતિક છે અને વીણા સંવાદિતાનું પ્રતિક છે. શૃંગારમાં વિવેક સંવાદિતાનું સમંવય થાય તો સોનામાં સુગંધ ભળે. વસંતમાં શિવરાત્રિ આવે છે. શિવ એ કલ્યાણકારક, મંગલમય, પવિત્ર. રાત્રિ એટલે રાત. જીવનના વસંતમાં કલ્યાણકર અને મંગલમય રતિક્રિડા પણ હોય છે, જો તે વિવેકપૂર્વકની અને સંવાદિતા સાથેની હોય તો તેમાં પ્રેમ ભળી જાય છે. વસંત આવે છે અને પ્રકૃતિ લીલી ચાદર ઓઢવાની શરૂઆત કરે છે.દર વર્ષે આ કુદરતી ક્રમ ચાલ્યો આવે છે પણ પશુ-પંખીઓમાં પણ નાવીન્યતાની અસર દેખાય છે.

     પ્રાચીનકાળથી દુનિયામાં લગભગ બધા જ દેશોમાં વસંતને ઋતુઓમાં પ્રથમ સ્થાન મળ્યું છે. જોકે તેનો અલગ અલગ સમય હોય છે. ગ્રીકની દંતકથાઓ મુજબ મરક્યુરી વસંતના દેવતા છે જ્યારે ભારતીય સંસ્કૃતિ પ્રમાણે વસંત એ કામદેવનો મિત્ર છે. બન્ને મળીને માનવ મન પર ઊંડી અસર છોડે છે. વસંતઋતુ તો પ્રકૃતિપ્રિય લોકો માટે આ નશાની ઋતુ છે. વર્ષા ઋતુઓની રાણી છે તો વસંત ઋતુઓનો રાજા છે.

                         મનોજભાઈ ‘રસ્તા વસંત’ની ગઝલમાં લખે છે કે

‘ઊડી રહ્યા છે યાદનાં અબીલ, ગુલાલ
હૈયે થયા છે આજ તો છાટા વસંતના.’

 

                                                 ૐ નમઃ શિવાય