સ્વાગત નવા વર્ષનું

                                                               આજે પોષ સુદ બારસ

આજનો સુવિચારઃ– થઈ શકે છે કે તમારું કામ મહત્વહીન થઈ જાય, પરંતુ તેનાથી મહત્વપૂર્ણ એ છે કે તમે કંઈક કરો. — મહાત્મા ગાંધી

 

સ્વાગત નવા વર્ષનું

ઝૂલે શાખે પુષ્પોના હારલા
કરતા સ્વાગત નવ વર્ષના
પ્રભાત નવલું ધરે સંદેશા
દિલથી આવકારો દેવાનું શીખીએ તો કેવું?

હરખાતું આંગણું રંગોળી ભાતે
ને સબરસના શુકન છે ઉંબરે
મધુરા સંગીતમાં મનને ભીંજવી
થોડો ખુદનો પ્રેમ વહેંચીએ તો કેવું?

ભરજો રે છાબ મેવા મીઠાઈની
ને દેજો સૌને ઉમંગે વધામણી
હળવેથી જઈને ઝૂંપડીની જીંદગીમાં
ભાવથી થોડી ખુશાલી ભરીએ તો કેવું?

રટજો મંત્ર પ્રગતિનો નવયુગે
પણ ના ડૂબાડતા જીંદગીને તાણમાં
નથી સમય એમ કહેતા ના કોઈને
થોડા હળવા થવાનું શીખીએ તો કેવું?

દૂરદર્શનની દુનિયામાં ખોવાઈને
શીદ એકલતામાં જાતને પૂરવી
પીરસાયે પ્રસાદ ૠતુ ૠતુના ભાવથી
કુદરતના ખોળામાં થોડા મહાલીએ તો કેવું?

ઘોંઘાટ પ્રકાશને કાગળના ફૂલોથી
છે ભપકો ભલા ભાઈ બહારથી
અંતર પટમાં ઝાંખી પરમ પ્યારને
ભીતરનું સૌંદર્ય ખીલવીએ તો કેવું?
નવલા પ્રભાતના સોનેરી સ્વપ્નો ઝીલીએ તો કેવું?

શ્રી રમેશભાઈ પટેલ(આકાશદીપ)

                                            

                                                                                       ૐ નમઃ શિવાય

MERRY X’MAS AND HAPPY NEW YEAR

MERRY X’MAS                                         —  PHOTOGRAPHS BY SUDHIR KADAKIA

HUGE X’MAS TREE OF LIGHT IN AUCKLAND CITY OF NEWZEALAND

TREE CHANGES THE COLOUR

TOP OF TREE BECOMES BLOOMNG STAR

CHANGES OF LIGHTS CAN BE SEEN FROM BOTTOM OF TREE

CHANGES OF COLOURS WITH STAR ON TOP

 X’MAS TREE OF LIGHTS [AUCKLAND- NEW ZEALAND]

                                                              MERRY X’MAS  AND  HAPPY  NEW  YEAR

રેતીને છંછેડનાર મૂરખનું ગીત

 

                                     આજે પોષ સુદ એકમ

આજનો સુવિચાર:- જિંદગી એવી નથી જેવી તમે વ્ના માટે કામ કરો છો, એ તો એવી બની જાય છે જેવી તમે એને બનાવો છો.
                                                                                   — એંથની રયાન

                      રેતીને છંછેડનાર મૂરખનું ગીત

મને રેતીમાં આંગળીઓ ફેરવતો જોઈને તું હસતી એ જોઈને હું હસતો

ત્યારે શું એવું તું જાણતી કે આમ કોઈ રેતીને ભીંજવવી વ્યર્થ છે?
અથવા તો દરિયાના પાણીથી સાવ ભિન્ન રેતીને પોતાનો અર્થ છે?
અર્થો બદલવવાની જીવલેણ ખાઈમાં તિં ધસતી એ જોઈને હું હસતો.

તેં એવા પતંગિયાની સાંભળી છે વારતા જે ફૂલને સૂંઘે તો મરી જાતું?
તેમ છતાં તારાથી કોઈ ફૂલ ચૂંટવાનું દુસ્સાહસ કઈ રીતે થાતું ?
ફૂલને પતંગિયાના રેબઝેબ ભાવથી તું શ્વસતી એ જોઈને હું હસતો.

ત્યારે તું જાણતી કે રેતીને સહેજે છંછેડીએ તો કેવું એ ડંખતી ?
માધવ રામાનુજના ગીતમાં છે એવું.. [હોઉં પાસે છતાં તું મને ઝંખતી],
રેતીમાં પાણીનાં ટીપાની જેમ તું કણસતી એ જોઈને હું હસતો.

સહેજ સહાજ એટલો જ સાંભરે છે આપણને હવે પેલો આપ્ણો અતીત,
રેતીમાં રેતી છંછેડનાર મૂરખનું આપણે જ લખતાં’તાં ગીત,
રેતીએ ગોઠવેલ ફાંસામાં આંગળીઓ ફસતી એ જોઈનેહું હસતો.

મને રેતીમાં આંગળીઓ ફેરવતો જોઈને તું હસતી એ જોઈને હું હસતો

                                         –શ્રી રમેશ પારેખ

                                             ૐ નમઃ શિવાય

આજનો સુવિચાર

                                       આજે પોષ સુદ એકમ

                                           આજનો સુવિચાર

         જેઓ પોતે સંયમિત અને નિયંત્રિત છે તેમણે વ્યર્થમાં વધુ નિયંત્રિત થવું જોઈએ નહીં, જે હાલમાં જ અનિયંત્રિત છે તેને જ નિયંત્રિત કરવું જોઈએ.

                                                                                               — અથર્વવેદ

                                        ૐ નમઃ શિવાય

આજનું ચિંતન

                           આજે માગશર વદ નોમ

                                     આજનું  ચિંતન

‘સંતાનો જો શક્તિશાળી હશે તો તેમને તમારાં પૈસાની જરૂર નથી અને નપાવટ હશે તો તેઓ પૈસાને લાયક નથી. તેથી જ સત્ય એ છે કે સંતાનો કંઈક કરી શકે એટલું જ મૂકી જજો પણ તેમને કંઈ કરવું જ ન પડે એટલું મુકતા નહી.

                                     ૐ નમઃ શિવાય

આજનો સુવિચાર

                                   આજે માગશર વદ છઠ

                                    આજનો સુવિચાર

                ઉત્તમ વસ્તુ અધિકાર વિના મળે, તદપિ અર્થ નવસરે,
                મત્સ્ય ભોગી બગલો મૂકતા ફળ દેખી ચંચુ ના ભરે

                                         કવિ કલાપી

                                       

                                  ૐ નમઃ શિવાય

નિવૃતિ

                  આજે માગશર વદ ચોથ [સંકષ્ટી ચોથ] [ત્રીજનો ક્ષય]

આજનો સુવિચાર:- મનુષ્યનો વ્યવહાર અરીસા જેવો છે. જેમાં તેનું ચિત્ર દેખાય છે. — ગેટે

        નિવૃતિ

થયું છાપરૂં થોડુંક સફેદ ને
વયની થઈ ગઈ જો સાડી પુરી
બા અદબ, બા મુલાયઝા, હોંશિયાર
ઘડપણની આવી પુગી છે સવારી

વર્ષોના અનુભવમાં હું જે પામ્યો
થયું, લાવ કરૂં વ્હેંચવાની વૃત્તિ
તન, વાચા, પ્રજ્ઞા, બધું અકબંધ
પણ કાયદો કહે, બસ નિવૃતિ

પગાર બંધ, ને મળશે પેંશન
કેટલું ? ક્યારે ? એનું જ હવે ટેંશન
થઈ જે બચત, એટલી જ રહેશે
હવે તો ફક્ત, ઉંમર જ રહેશે

રોજ વાંચો છાપાના પ્રત્યેક પાના
સામાયિક, ચોપાનીયાનો કાઢો સાર
શોધી કાઢી કોઈ સમદુઃખિયાને
મારો બગીચામાં લાંબી લટાર

સમય તમારો બસ થાશે વેરી
કલાક થાયે મિનિટ એકસો બાર
જુઓ ટીવીની અગણિત સિરીયલો
તો પણ સમય ના થાશે પસાર

તન સાબુત, લઈ પંડની કાવડ
કરી લો શક્ય હોય એટલી જાત્રા
છે બલિહારી આ સદીના શ્રવણોની
કે અહીં તો વૃદ્ધાશ્રમો ઉભરાતા

થાયે સાર્થક નિવૃત્તિ, જો કરો
અન્યના કામ પ્રેમ, નિષ્ઠા ભાવે
” નવરા બેઠા સૌ નખ્ખોદ વાળે”
એવું તમને કહેવા કોઈ ના’વે

કવિશ્રી:- કિશોરભાઈ કણિયા
એમના પુસ્તક ‘સ્મરણ’ આધારિત

                                            ૐ નમઃ શિવાય

જીવનનાં સૂત્રો

                                              આજે માગશર વદ એકમ

આજનો સુવિચાર:- વધુ નાણાં રળવાં કરતાં વધુ પ્રતિષ્ઠા મેલવવાનું પસંદ કરવું જોઈએ.

                                                                                             – પ્રણવાનંદજી

                                
                                      જીવનનાં સૂત્રો

જૂના જમાનામાં લોકોમાં ધર્મભાવના જગાડવારાજાઓ સંતોને આશ્રય આપતા અને સંત સમાગમ, ધર્મસભાઓ આયોજતા. આમ રાજા રાજ્યમાં ધર્મનું શાસન રાખતા.

એક વખત રાજાએ એક સંતને પૂછ્યું કે જે માનવદેહ મળ્યો છે તેને સુખમય તથા કેવી રીતે પરોપકારી બનાવવું જેથી જીવન પ્રભુમય બને અને સમતા તથા શાંતિથી જીવી શકાય?

   સંતે થોડા ઉપદેશમાં જીવન જીવવાના સૂત્રો સમજાવ્યા.  જેવા કે

સારા કર્મો કરવાથી ભવોભવ માનવજીવન મળે છે.
મારું – મારું નહીં કરવું, નહીં તો મરી જઈશ.
તારું તારું સદાય કરવું, જેથી ભવ તરી જઈશ.
જીવનની અપેક્ષા માટે ખોટું કાર્ય નહીં કરવું.
કર્મ કરતો જા, ફળની આશા ન રાખતો.
સદાય પ્રભુભજન કરો- સત્સંગ કરો.
હરિ કરે સો હોય, તે સદાય યાદ રાખો.

    આવાં સર્વે કર્મો કરવાં, જો બધા ન થઈ શકે તો થોડાં પણ સારાં કાર્યો કરવાથી મન-વચન-જીવન સર્વેને શાંતિ મળશે તથા પ્રભુને પામવાનો સરળ રસ્તો મળશે.

                                  [વિજયકુમાર માણેક – સૌજન્ય- જન્મ્ભૂમિ]

                                      
                                              ૐ નમઃ શિવાય

સુવિચાર

                         આજે માગશર સુદ પૂનમ [દત્ત જયંતી]

આજનો સુવિચાર:- જે મળ્યું છે તેની કદર કરો. – મુનિ તરુણસાગરજી

જે મળ્યું છે તેની કદર કરો

        ગરીબી શું છે?  હાલના સમયમાં સંતુષ્ટ થવાનું નામ જ ગરીબી છે. અમીર હોય કે ગરીબ અહીં કોઈ પણ સુખી નથી. ગરીબને કાલની ચિંતા છે તો અમીરનું પેટ ક્યારેય ભરાતું નથી. કરોડ મળી જાય તો દસ કરોડની લાલસા સતાવવા લાગે છે. મનની એક પ્રકૃતિ છે, જે મળી જાય છે. તે તેમાં રસ નથી લેતું અથવા મળતા મળતા રહી જાય છે તેની પાછળ ભાગે છે. દરેક સમયે શ્વાસ લો છો, પરંતુ શ્વાસની કદર ક્યારે થાય? જ્યારે શ્વાસ લેવા માટે ઑક્સિજન સિલિંડર લગાવવું પડે. પત્ની પિયર જાય છે ત્યારે જ પત્નીનું મહત્વ સમજાય છે.

                        મુનિ તરુણસાગરજી

સૌજન્ય :- દિવ્ય ભાસ્કર

 

                                               ૐ નમઃ શિવાય