અમી ઝરણાં…..

                        આજે ફાગણ સુદ સાતમ [હોળાષ્ટકનો પ્રારંભ]

આજનો સુવિચાર:- જે ચીજથી આશા વધે છે તેનાથી સાહસ પણ વધે છે.
                                                                             – જૉંસન

                                                                અમી ઝરણાં

 

                                                   સંકલન- જયંતભાઈ ટી તન્ના

 

લાગણીનો ભીનો વ્યહવાર મોકલું છું,
રંગોનો આખો તહેવાર મોકલું છું
સ્નેહથી રંગજો સ્નેહીજનોને,
કે કેસુડા સરીખો આ પ્યાર મોકલું છું.
                     *

અનુભવની મજા કોઈને કહેવામાં નથી હોતી,
અસલ વસ્તુની ખૂબી એની છાયામાં નથી હોતી
મેં બસ માની લીધું કે આપ આવવાના છો,
જે શક્તિ હોય છે શ્રદ્ધામાં એ શંકામાં નથી હોતી
                          *

અશ્રુથી નયન ભરી ગયા તમે,
દિલમાં એક ખાલીપો છોડી ગયા તમે
જિંદગી કેમ જિવાશે તમારા વિના એ નથી જાણતા,
પણ તેમ છતાં જિંદગી જીવવાનું શિખવાડી ગયા તમે
                            *

પહોંચી ના શકાય એટલા એ દૂર નથી,
પણ સાવ નિકટ આવવા એ આતુર નથી
આખી દુનિયા એ મને આપવા તૈયાર છે,
પણ મારી દુનિયામાં આવવા એ તૈયાર નથી
                            *

લલાટે શોભવા કુંકુમ રૂડું વરદાન પામ્યું છે,
અને સિંદુર સેંથીમાં અનોખું સ્થાન પામ્યું છે
મળ્યો છે સાવ શ્યામળ રાત જેવો રંગ કાજલંને
છતાં કાજલ મનોહર નૈનમાં સન્માન પામ્યું છે
                                *

કદી ચિંતા કરી લઉં છું, કદી ચિંતન કરી લઉં છું,
જીવનમાં આમ જ જીવનનું સંશોધન કરી લઉં છું
મથું છું હું મથીને બસ હૃદયમાં કથન કરી લઉં છું
વિસર્જન થાય છે જ્યાં પ્રેમનું, ત્યાં ફરી સર્જન કરી લઉં છું.

                                                                   — જયંતભાઈ તન્ના

                                                  ૐ નમઃ શિવાય