અક્ષયા તૃતીયા [આજના દિવસનો મહિમા]

                       આજે વૈશાખ સુદ ત્રીજ [અક્ષય તૃતીયા]

આજનો સુવિચાર:- હજારો ગુણ પ્રાપ્ત કરવા સહેલા છે, પરંતુ એક દોષને દૂર કરવો મુશ્કેલ છે.
                                                                                                     — બ્રુચર

                             આજના દિવસનો મહિમા


       આજે પરશુરામ જયંતી છે. પરશુરામ વિષ્ણુનો ક્રોધાવતાર ગણાય છે. વિષ્ણુના આ છઠ્ઠા અવતારનો જન્મ જમદગ્નિ ઋષિ અને રેણુકા દેવીના પાંચમા પુત્ર રામ તરીકે થયો હતો. તેમણે ગુસ્સાના આવેશમાં પૃથ્વીને એકવીસ વખત ક્ષત્રિય વગરની કરી હતી તેથી તેઓ પરશુરામ તરીકે ઓળખાયા. પ્રાયશ્ચિત રૂપે તેમણે સોમયજ્ઞ કર્યો હતો. યજ્ઞ પૂર્ણ કરી કશ્યપ ઋષિની પૂજા કરી દત્ત આશ્રમમાં તપ મગ્ન થયા તેથી તેઓ ધ્યાનાનિધાન કહેવાયા. તેઓ અમર છે. જનક રાજાના ધનુષયજ્ઞમાં રામલક્ષમણ સાથે સંવાદ કરી રામજીને પ્રણામ કરીને ગયા પછી ક્યાં ગયા તેની આજ સુધી કોઈને ખબર નથી. તેઓ બ્રાહ્મણના ગુરૂ કહેવાયા.

          વેદ અનુસાર આજના દિવસથી ત્રેતાયુગનો પ્રારંભ થયો હતો.

       લોક જ્યોતિષ અનુસાર ધૂળેટી, અષાઢી બીજ, ધતેરસ અને અખાત્રીજ [અક્ષયતૃતીયા] કોઈપણ માંગલિક કાર્ય માટે કે ધાર્મિક કાર્ય માટે ‘પૂછ્યા વિનાનું’ શુભ મુહુર્ત ગણાય છે. આજના દિવસે એટલે કે અક્ષય તૃતીયાના દિવસે કરેલા પુણ્યનો કદી ક્ષય થતો નથી.

    જૈનોના આઠ દિવસની અઠ્ઠાઈ અથવા ત્રણ દિવસના તેલાંના આજે પારણાં થાય છે. તેમના પારણાંનો મેળો શત્રુંજય પર્વત પર ઉજવાય છે.

       આજે ખેડુતો માટે મહાપર્વ ગણાય છે. ચોમાસાના આગમાન પહેલાંની તૈયારીઓ આજથી શરૂ કરે છે. આજે કૃષિપૂજનનું પર્વ છે.

      દરિયાખેડુ માટે આજનો દિવસ મોટો દિવસ ગણાય છે. અખાત્રીજથી દરિયો તોફાની બને છે. નાવિકવર્ગ આજે સમુદ્રપૂજન કરી દરિયાને વધાવે છે. સમુદ્રકાંઠાના તીર્થો પર મોટા મેળા ભરાય છે.

      ઉત્તરાખંડમાં હિમવર્ષાનો સમય પૂરો થવાથી ભાઈબીજથી બંધ પડેલા બદરીનાથના દ્વાર આજે ખૂલે છે. ચારધામની યાત્રા આજથી શરૂ થાય છે.

    આજના દિવસે ગુજરાતના પંચમહાલ, સાબરકાંઠાના ભીલોમાં આદિવાસીઓમાં ધૂળ, પાણી, રંગ, કાદવ ઊડાડી પર્વ મનાવાય છે.

                                                                                                                       –સંકલિત
                                             
                                                 ૐ નમઃ શિવાય

Advertisements
By shivshiva Posted in અવર્ગીકૃત

3 comments on “અક્ષયા તૃતીયા [આજના દિવસનો મહિમા]

  1. પિંગબેક: અક્ષયા તૃતીયા [આજના દિવસનો મહિમા] | | GujaratiLinks.comGujaratiLinks.com

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s