હલવાસન અને પાનનો આઈસક્રીમ

                                                     આજે કારતક સુદ તેરસ

 

[મુંબઈ સ્થિત શ્રીમતી ઈલાબેન દેસાઈએ (હાલમાં ઑકલેન્ડ – ન્યુઝીલેન્ડમાં સ્થિત) આ રેસીપી મોકલાવ્યા બદલ મેઘધનુષ આભારી છે.]

 

હલવાસન

 

 

સામગ્રીઃ-

 

૧] ૫૦૦ ગ્રામ દૂધ
૨] ૧/૨ કપ દહીં
૩] ૧ ટે.સ્પૂ. ઘી
૪] ૨ ટે. સ્પૂ. રવો
૫] ૧ ટે. સ્પૂ. બાવળિયો ગુંદર
૬] ૩/૪ કપ ખાંડ
૭] ૧/૨ ટી.સ્પૂ. ઈલાયચી પાઉડર
૮] ૧/૨ ટી.સ્પૂ. જાયફળ પાઉડર
૯] કેસર
૧૦] થોડા ઈલાયેચીના દાણા અને થોડી બદામ પિસ્તાની કતરી

 

રીતઃ-

 

૫૦૦ ગ્રામ દૂધ ઊભરો આવે ત્યાં સુધી ઉકાળો. ઊભરો આવે ત્યારે તેમાં ૧/૨ કપ દહીં નાખી ફાડવું. દૂધ ફાટે તો પણ ઊકાળતા રહેવું અને રબડી જેવું થવા દેવું. ત્યારબાદ તેમાં સંચો ફેરવી એક રસ કરવું.

એક નોનસ્ટીક પેનમાં ૧ ટે. સ્પૂન ઘી લઈ તેમાં ધીમાં તાપે રવો શેકવો. રવો ગુલાબી થાય ત્યારબાદ તેમાં ગુંદર નાખી ફૂલાવવો.

બીજી નોનસ્ટીક પેનમાં ખાંડ લેવી અને પાણી નાખ્યા વગર ગરમ કરવી. ખાંડ ઓગળે ત્યારે ઊપરનાં બન્ને મિક્ષ્ચર ભેળવવા અને હલાવતા રહેવું. તેમાં કેસર, ઈલાયચી પાઉડર અને જાયફળ પાઉડર ભેળવવા. ઉપરોક્ત મિક્ષ્ચર કિનારી ચોડે ત્યાં સુધી ધીમા તાપે હલાવતા રહેવું. મિક્ષ્ચર થોડું ઠંડુ પડે પેટિસની જેમ વાળી તેને બદામ પિસ્તાની કતરીથી સજાવવું. ઉપરથી એલચીનાં દાણા પણ મૂકી શકાય.

 

પાનનો આઈસક્રીમ

 

 

સામગ્રીઃ-

 

૧] ૧ મોટું ટીન કંડેન્સ મીલ્ક

૨] ૨૫૦ ગ્રામ ફુલ ફેટ દૂધ

૩] ૩ ટેબલ સ્પૂન ગુલકંદ

૪] ૧/૨ ટે. સ્પૂ. ઈલાયચી પાઉડર

૫] ૨ કલકત્તી મીઠા પાન

૬] ૧ ટે. સ્પૂ. મીઠી સોપારી

૭] ૧ ટે.સ્પૂ. મીઠા પાનના પત્તા

૮] ૪ થી ૫ ટીપાં ખાવાનો લીલો રંગ

૯]  ૨૫૦ ગ્રામ ક્રીમ

 

રીતઃ-

 

કલકત્તી મીઠા પાન અને મીઠા પાનના પત્તાને થોડા દૂધમાં નાખીને મીક્ષીમાં મીક્ષ કરી લો. ત્યારબાદ ઉપરોક્ત બધી સામગ્રી નાખી ફરી એક વખત મીક્ષ્ચરમાં મીક્ષ કરી લો. ત્યારબાદ આ મીક્ષ્ચરને ડબ્બામાં નાખી ફ્રીઝ કરી લો.

 

ખૂબ સરસ અને ખૂબ સરળ રેસીપી છે. બનાવી જૂઓ અને ઈલાબેનનો આભાર માનો.

 

 

                                                                    ૐ નમઃ શિવાય

Advertisements

આપણી જીંદગીનો વિરોધાભાસ

આજે કારતક સુદ આઠમ

[મુંબઈ સ્થિત મિત્રાબેન ચોક્સીએ આ લેખ ફોર્વર્ડ કર્યા બદલ મેઘધનુષ ખૂબ આભારી છે.]

આપણી જીંદગીનો વિરોધાભાસ

* આપણી પાસે મકાનો ઊંચા છે પણ વિચારો નીચા છે.

* વાહનો માટે રસ્તાઓ પહોળા છે, પણ દિલની ગલીઓ સાંકડી થઈ ગઈ છે.

* ઘરો વિશાળ થઈ ગયા છે, પણ કુટુંબ નાનું થઈ ગયું છે.

* પહેલા કરતા સુખસગવડો ખૂબ વધી છે, પણ એ માણવા માટેનો સમય ખૂટી ગયો છે.

* ભણતર વધ્યું છે, પણ ગણતર ઘટ્યું છે.

* જ્ઞાનનો વિપુલ ભંડાર ઉભો થયો છે, પણ નિર્ણાયક શક્તિ ઘટી ગઈ છે.

* નિષ્ણાતો વધ્યાં છે પણ પ્રશ્નો પણ એટલા જ વધ્યાં છે.

* દવાઓ અને સારવાર વધ્યાં છે તો માંદગી પણ વધી છે.

* પાણી સિવાય બીજું બધું વધારે પીવાય છે.

* સિગરેટના તેમ જ પ્રદૂષણના ધુમાડા ફેફસામાં ભરીયે છીએ પણ શુદ્ધ હવા ભરવા જરાયે પ્રયત્ન કરતા નથી.

* ખર્ચો તો ધમધોકાર થાય છે પણ જરૂરતમંદોને આપવા પૈસા નથી.

* લાખો રૂપિયાનું તાણ ભોગવીએ છીએ પણ લાખ રૂપિયા જેવું હાસ્ય ગુમ થઈ ગયું છે.

* વાહનની ગતિ વધી ગઈ છે પણ રસ્તાની બન્ને બાજુ પથરાયેલા સૌંદર્યને મ્હાલવાતું નથી.

* વાત વાતમાં મગજ ગરમ થઈ જાય છે પણ ધીરજથી બે ઊંડા શ્વાસ નથી લઈ શકતા.

* હદ બહાર ટી.વી. જોવાય છે પણ માતા પિતા કે સગા વહાલા સાથે બેસીને આનંદની ક્ષણો પસાર નથી કરી શકતા.

— સંકલિત

                                                       ૐ નમઃ શિવાય

HAPPY DIWALI

HAPPY DIWALI

Neela Kadakia making Rangoli at Auckland NZ on 10th November in Rangoli Competition organized by Humm  FM Radio 106.2

                                                 Neela Kadakia stood first in Rangoli Competition

 

H-Har Khushi
A-Apake
P-Pas
P-Pahuche
Y-Yah

D-DiLSe
I-Is Diwali Ke
W-Waqt
A-Apake
L-Liye
I-Ishwar Se Prathanaa karti hu

                                                                                    OM NAMAH SHIVAY

ગુજરાતની બેઠકો- [૨]

                                                                               આજે આસો વદ આઠમ

 

ગુજરાતની બેઠકો -[૨]

 

કાવીના બેઠકજીઃ

 

ભરૂચ જિલ્લામાં દરિયા કિનારે કાવી નામે ગામ છે. શ્રી મહાપ્રભુજીના સમયમાં તે કપિલક્ષેત્રના નામે જાણીતું હતું. ત્યાં કપિલ બ્રાહ્મણો અને જૈનો ખૂબ પ્રમાનમાં વસતા હતા. શ્રીમહાપ્રભુજી અહીં પધારેલા ત્યારે આપે ગામ બહાર મુકામ કર્યો હતો. અહીં આપે શ્રી વેદપારાયણ કર્યું હતું. આપશ્રીના આગમનની જાણકારી થતા ઘણા કપિલ વિદ્વાનો શાસ્ત્રાર્થે આવેલા. અહીં શ્રીમહાપ્રભુજીનાં બેઠકજી પ્રગટ બીરાજે છે.

 

શ્રી જંબુસર [ભાનુક્ષેત્ર]નાં બેઠકજીઃ-

 

શ્રી જંબુસરની ઉત્તરે ભાનુક્ષેત્ર [હાલનું ડાભા ગામ] એક પુરાણ પ્રસિદ્ધ ક્ષેત્ર છે. આ ગામ વૈષ્ણવોનું તીર્થક્ષેત્ર ગણાય છે. અહીં હરિરાયજી મહાપ્રભુજીએ શ્રીમદભાગવત પારાયણ કર્યું હતું. પ્રાચીન સમયમાં ડાભા ગામ તરફ જતાં માર્ગમાં આવતી ધનદેવી તળાવડી પાસે એક ખેતર હતું જેના માલિક ઈબ્રાહિમ મહંમદ મુલતાની હતા. તેમનું કહેવું હતું કે ખેતરમાં સંધ્યાકાળે , રાત્રે કે મધરાતે સફેદ ધોતી ઉપરણો ધારણ કરેલા તેજોમય મહાપુરુષ શ્રીહસ્તમાં માળા લઈ ફરતા જણાય છે. કોઈવાર એ શમીવૃક્ષો પાસે ઝાંઝ, પખવાજ વગેરે વાજિંત્રો વાગવાનો અને કીર્તનો થતાં હોય તેવો અવાજ પણ આવે છે. આવો મહિમા આ બેઠકજીનો છે.

 

નરોડાનાં બેઠકજીઃ-

 

શ્રીમહાપ્રભુજી ગુજરાતમાં પરિભ્રમણ કરતા કરતા નરોડા પધાર્યા. અહીંની અપરસ અને મેડ પ્રાચીન પરંપરા મુજબની છે તેથી સેવામાં નહાતા પહેલાં ઉપવાસ કરી આજ્ઞા મેળવવી પડે છે.

 

શ્રી તગડીનાં બેઠકજીઃ-

 

અમદાવાદના ધંધુકા તાલુકામાં તગડી નામનું ગામ આવેલું છે. ગામ બહાર મોટા તળાવના કિનારે મહાપ્રભુજીની બેઠકજી આવેલાં છે. શ્રીમહાપ્રભુજી પોતાનાસેવકો સહિત અહીં પધારેલા ત્યારે આ સ્થાનમાં મુકામ કર્યો હતો.

 

શ્રી જુનાગઢનાં બેઠકજીઃ-

 

જૂનાગઢમાં ગિરનાર પર્વતની તળેટીમાં દામોદર કુંડ અને રેવતી કુંડની વચ્ચે પર્વતની તળેટીમાં બેઠકજી આવેલાં છે. શ્રી મહાપ્રભુજી પોતાના સેવકો સહિત અહીં પધારેલા ત્યારે ગિરનાર પર્વતની તળેટીમાં રેવતીકુંડના કિનારે આવેલા પીપળાના વૃક્ષ નીચે બિરાજ્યા હતા. અહીં આપે શ્રીમદ ભાગવતનું પારાયણ કર્યું હતું.

 

શ્રી પ્રભાસપાટણનાં બેઠકજીઃ-

 

વેરાવળ સ્ટેશનથી બે માઈલ દૂર પ્રભાસપાટણ નામનું ગામ આવેલું છે. યાદવાસ્થળી બાદ ભગવાન શ્રીકૃષ્ણે પોતાનો ભૌતિક દેહ છોડ્યો હતો. દેહોત્સર્ગ નામનું પ્રાચીન ધર્મસ્થાન તીર્થસ્થાન અહીં આવેલું છે જેની બાજુમાં શ્રી મહાપ્રભુજીનાં બેઠકજી આવેલાં છે. બેઠકજી ભોંયરામાં બિરાજે છે. આપશ્રીએ ત્રિવેણી સંગમમાં સ્નાન કરી શ્રીમદ ભાગવત સપ્તાહની શરૂઆત કરી. કહેવાય છે કે ખુદ દેવોના દેવ મહાદેવ આ કથા સાંભળવા પધાર્યા હતા. સપ્તાહ પૂર્ણ થયે આપશ્રીએ પ્રભાસક્ષેત્રના પંચતીર્થની પરિક્રમા કરી હતી. અહીં આપના ઘણા સેવકો થયા હતા.

 

                                                                                              જૈ શ્રીકૃષ્ણ