મંદિર અને મસ્જિદ

 

એક જરૂરી જાહેરાત

 

આપણાં ચહિતા શ્રી મૃગેશભાઈ જેઓ રીડ ગુજરાતીનાં લેખક છે  હાલનાં સમયે બ્રેઈન હેમરેજને કારણે હૉસ્પિટલમાં દાખલ છે. તેમને આપના સહકારની [માનસિક અને આર્થિક ] જરૂરત છે.

સંપર્ક સાધોઃ- ૦૯૮૯૮૦૬૪૨૫૬

 

 

મંદિર અને મસ્જિદ

 

મંદિર અને મસ્જિદ વિષે ના તકરાર કર;

થઈ શકે તો તું બધાંથી પ્યાર કર.

 

મોટો નથી કોઈ ઈશ્વર કદી માણસાઈથી;

એ સત્યની તું સત્વરે સ્વીકાર કર.

 

આ પથ્થર, આ ખંજર ને આ બંદૂક થકી;

શું મેળવ્યું તેં, તું જરા વિચાર કર.

 

કર્મ શું છે? ધર્મ શું છે? તું ન સમજે  કશું,

હૃદયની ભાવનાના ધર્મને તું જરા સાકાર કર.

 

ચો-તરફ અંધકાર  બસ અંધકાર છે;

પ્રગટાવ તું આતમદીવો ને સવાર કર.

 

અલ્લાહ ને ઈશ્વર તને મળશે બધે;

કર બધાંથી પ્યાર ને તું પારાવાર કર.

 

  -રામુ ડરણકર

 

ૐ નમઃ શિવાય

 

જિંદગી

 

 [ આ લેખ શ્રીમતી નીતા કોટેચાએ મોકલ્યા બદલ મેઘધનુષ ખૂબ આભારી છે.]

 

જિંદગી એટલે મૃત્યુના ડરને કાઢીને જીવવાની ક્ષણ

જિંદગી એટલે મૃત્યુનાં દિવસને યાદ કરીને ભલામણ કરવાના દિવસો…

જિંદગી એટલે લોકોનાં હ્રદયમાં પ્રેમ ભરીને જીવવાની ક્ષણ

જિંદગી એટ્લે, ખબર છે કે કોઈ મારી સાથે નથી આવવાનું તોયે બધા પોતાના છે એ વિચારી રાજી થવાની ક્ષણ

જિંદગી એટલે એક એક પળમાં એક એક જિંદગી જીવવાનો આનંદ

જિંદગી એટલે લોકોને હાથતળી દઈને મૃત્યુ તરફ જવાની ક્ષણ

જિંદગી એટલે એક એક વ્યક્તિને પ્રેમ કરવાની ક્ષણ

 

નીતા કોટેચા   ઉર્ફ   ‘નિત્યા’

 

 

ૐ નમઃ શિવાય

 

 

 

 

 

 

 

નવરાત્રિની  શુભેચ્છાઓ

 

imagesCAE2ZEXW

 

A=Ambe

B=Bhawani

C=Chamunda

D=Durga

E=Ekrupi

F=Farsadharni

G=Gayatri

H=Hinglaaj

I=Indrani

J=Jagdamba

K=Kali

L=Laxmi

M=Mahamaya

N=Narayani

O=Omkarini

P=Padma

Q=Qatyayani

R=Ratnapriya

S=Shitla

T=Tripura Sundari

U=Uma

V=Vaishnavi

W=Warahi

Y=Yati

Z=Zyvana

 

ૐ નમઃ શિવાય

 

 

 

By shivshiva Posted in અવર્ગીકૃત

બહુનામી શિવ

બહુનામી શિવ

 

946379_733854639965265_668425024_n[1] (2)

 

 

[આ ભજન શ્રી કેદારસિંહજી જાડેજાએ મોકલાવ્યા બદલ મેઘધનુષ આભારી છે.]

 

 

સાખી..

કર ત્રિશૂલ શશી શીશ, ગલ મુંડન કી માલા . કંઠ હલાહલ વિષ ભર્યો, બૈઠે જાકે હિમાલા…

ત્રિ નેત્ર સર્પ કંઠ, ત્રિપુંડ ભાલ સોહાય . સંગ ગિરિજા જટા ગંગ, સબ જગ લાગે પાય…

 

શિવ શંકર સુખકારી ભોલે…

મહાદેવ સોમેશ્વર શંભુ, વિશ્વેશ્વર વિષ ધારી…ભોલે..

 

ગિરિ કૈલાસે ગિરિજા કે સંગ, શોભે શિવ ત્રિપુરારિ

ડમ ડમ ડમ ડમ ડમરુ બાજે, ભૂત પિશાચ સે યારી…ભોલે..

 

ગંગા ગહેના શિર પર પહેના, ભુજંગ ભૂષણ ભારી

બાંકો સોહે સોમ શૂલપાણિ, ભસ્મ લગાવત સારી…ભોલે…

 

વાઘાંબર કા જામા પહેના, લોચન ભાલ લગારી

વૃષભ વાહન વિશ્વનાથ કા, ભૂમિ સમશાન વિહારી…ભોલે…

 

મુખ મંડલ તેરો મન લલચાવે, છબ લાગત હે ન્યારી

મૃત્યુંજય પ્રભુ મુજે બનાદો, બેઠે જો મૃગ ચર્મ ધારી…ભોલે….

 

ચરન ધુલ કા પ્યાસા પિનાક મે, ભૂતેશ ભક્ત હિત કારી

દાસ ” કેદાર ” કેદારનાથ તું, બૈજનાથ બલિહારી…..ભોલે…

 

સાર:-

સાખી=

૧, હાથમાં ત્રિશૂલ ધારણ કર્યું છે, શિર પર ચંદ્ર ધર્યો છે, ગળામાં મૂંડકા ની માળા પધરાવી છે, કંઠમાં હળા હળ વિષ ધરીને કૈલાસમાં બિરાજમાન છે દેવાધી દેવ મહાદેવ.

૨, ત્રણ નેત્ર છે, ગરદનમાં સર્પ ધારણ કર્યા છે, લલાટમાં ત્રિપુંડ શોભાયમાન છે, અર્ધાંગના માતા ગિરિજા બાજુમાં બિરાજમાન છે, જટાની અંદર ગંગા મૈયા શોભાયમાન છે, આવા અલૌકિક સૌંદર્ય ધરાવતા મહાદેવ ને સકળ વિશ્વ વંદન કરે છે.

મહાદેવ ના અનેક નામો માંહેના ૧૬ નામોનો આ ભજનમાં સમાવેશ કરવામાં આવ્યો છે.

 

ૐ નમઃ શિવાય

સૌંદર્ય

સૌંદર્યને લગતી થોડીક ટીપ્સ

 

*     ચણાના લોટમાં મધ, ખાંડ અને દહીં ભેળવી તેની પેસ્ટ બનાવી તેને ચહેરા પર તેમજ હાથ પર લગાડો. આ પેસ્ટ સ્ક્રબનું કામ કરશે.

*      બદામના તેલ અથવા તલના તેલ અથવા ક્રીમથી નખ અને હાથ પર માલિશ કરી હુંફાળા ગરમ પાણીમાં હાથને રાખવાથી હાથ તથા નખની સુંદરતા વધશે.

*       કોણીની કાળાશ દૂર કરવા કોણી પર લીંબુની ફાડ ઘસો.

*      ગરદનનું સૌંદર્ય વધારવા ગરદન પર દસ મિનિટ સુધી પાકું પપૈયું રગડો.

*     ગરમ ગરમ તેલ અથવા પાણીથી દાઝી જવાય તો તરત જ વિક્સ લગાડી દેવાથી ઠંડક થશે અને છાલા નહીં પડે.

*     થાકેલા પગને આરામ આપવા હુંફાળા ગરમ પાણીમાં મીઠું ભેળવી તેમાં પગ બોળી રાખવા.

*     દહીંમાં મરીનો ભૂક્કો ભેળવી વાળ ધોવાથી વાળ સ્વચ્છ અને ગાઢા બનશે.

*     ખીલની તકલીફ દૂર કરવા પાકેલા પપૈયાનો ગર લગાડો.

*     રાતનાં સૂતી વખતે નાભિમાં બે ચાર ટીપાં નાખવાથી હોઠનુમ ફાટવાનું બંધ થશે.

*     તડકાને કારણે ચહેરા પર પડેલા કાળા ડાઘાને દૂર કરવાબટેકાનો રસ અને લીંબુના રસને ભેળવી ચહેરા પર લગાડો.

*     સ્નાનનાં પાણીમાં લીંબુનો રસ ભેળવી ન્હાવાથી પરસેવાની દુર્ગંધ દૂર થશે અને તાજગી અનુભવાશે.

 

ૐ નમઃ શિવાય

શ્રી મહાપ્રભુજીની બેઠકો

shreeji

મહાપ્રભુજીની બેઠકો

શ્રી તોતાદ્રિ પર્વત પરનાં બેઠકજી

શ્રી મહાપ્રભુજી શ્રી ત્રિલોકભાનજીથી તોતાદ્રિ પર્વત ઉપર પધાર્યા. આ પર્વત તિનવેલી ગામથી ૧૮ માઈલ દૂર આવેલ છે. આપશ્રી આ પર્વત પર ઘણો સમય બિરાજ્યા. પર્વત પાસે આવેલા ગાઢ વનમાં એક વડનાં વૃક્ષ નીઆપશ્રીએ શ્રી પદ્મનાભજીનાં સેવાશૃંગાર કર્યા અને બન્ને સ્વરૂપોએ સાથે ભોજન કર્યુ. આપશ્રીએ શ્રી પદ્મનાભજીની આરતી કરી પોતાના સ્થાન પર પાછા ફર્યા. આપે શ્રી પદ્મનાભ ક્ષેત્રમાં બિરાજી શ્રીમદ ભાગવતજીનું પારાયણ કર્યું.

જળાશયની તપાસ કરવા ગયેલા શ્રી કૃષ્ણદાસ મેઘનને જ્યારે જળાશયની પ્રાપ્તિ ન થઈ ત્યારે આપની આજ્ઞાથી આપની નજીકમાં આવેલ કદંબના વૃક્ષની જમણી બાજુએ આવેલો મોટો પથ્થર ઉઠાવતાં એક સુંદર પગથિયાવાળો કુંડ નીકળ્યો.

આ કુંડ ‘શ્રીવલ્લભકુંડ’ના નામે ઓળખાવા લાગ્યો. આપશ્રીએ અહીં ભાગવતનું પારાયણ કર્યું હતું. આપની ખ્યાતિ સાંભળી માયાવાદી બ્રાહમણો આપને શોધતા અહીં આવ્યા. પથ્થરોના પહાડોમાંથી નીકળેલા જળ જોઈ અને આપને ત્યાં બિરાજેલા જોઈ આશ્ચર્ય ચકિત થઈ આપને વંદન કરી વૈષ્ણવધર્મ સ્વીકાર્યો. આ સ્થાન આજે પ્રગટ નથી. અહીં શ્રીમહાપ્રભુજીની બેઠક ગુપ્ત રીતે બિરાજમાન છે.

hqdefault[1]

શ્રી પદ્મનાભજીનાં બેઠકજી

શ્રી પદ્મનાભક્ષેત્ર એટલે આજનું ત્રિવેન્દ્રમ શહેર જે કેરળની રાજધાની છે.  ત્યાં પદ્મનાભના વિશાળ મંદિરમાં પ્રભુ શેષનાગ ઉપર પોઢે છે.ત્રણ દરવાજે થી દર્શન કરવાથી પ્રભુ પદ્મનાભજીના સંપૂર્ણ દર્શન થાય છે. કન્યાકુમારી અને અહીં પદ્મનાભજીના દર્શન માટે પુરુષોએ કેવળ ધોતી પહેરવાની હોય છે. અહીંના રાજા પોતાને પદ્મનાભ પ્રભુના સેવક માને છે. જો એ ગામમાં હાજર હોય અને સેવા ચૂકે તો તેને દંડ ભરવો પડતો.

    આવા શ્રી પદ્મનાભ પ્રભુના દર્શનાર્થે મહાપ્રભુજી અહીં પધાર્યા. આપશ્રીએ અહીં છોંકરના વૃક્ષ નીચે એક રમણીય સ્થાન પર મુકામ કીધો. આપશ્રીએ અહીં શ્રી દામોદરદાસ હરસાનીજીને શ્રી પદ્મનાથજીનું માહત્મ કહ્યું. ત્યાં શ્રી પદ્મનાભ આપના દર્શનાર્થે પધાર્યા.

આપશ્રીએ શ્રી પદ્મનાભજીનાં સેવાશૃંગાર કર્યા અને બન્ને સ્વરૂપોએ સાથે ભોજન કર્યુ. આપશ્રીએ શ્રી પદ્મનાભજીની આરતી કરી પોતાના સ્થાન પર પાછા ફર્યા. આપે શ્રી પદ્મનાભ ક્ષેત્રમાં બિરાજી શ્રીમદ ભાગવતજીનું પારાયણ કર્યું.

શ્રી જનાર્દન ક્ષેત્રનાં બેઠકજી

janardan bethakji

કેરળમાં શ્રી જનાર્દન ક્ષેત્રમાં શ્રી મહાપ્રભુજીનાં બેઠકજી આજે પ્રગટ બિરાજે છે. આપે અહીં શ્રીમદ ભાગવત સપ્તાહ પારાયણ કર્યું હતું.  શ્રી જનાર્દન ભગવાન દરરોજ કથાસાંભળવા પધારતા હતા. અહીં વિષ્ણુસ્વામી મતાનુયાયી પ્રેમાકર મુનિના શિષ્યો અને પ્રશિષ્યો શ્રી મહાપ્રભુજીનાં દર્શનાર્થે આવ્યા હતા. ત્યાંથી આપશ્રી મલાયાચલ પર્વત તરફ પધાર્યા.

શ્રી મલયાચલ પર્વતનાં બેઠકજી

malayachal bethakji

દક્ષિણમાં નીલગિરિ પર્વત ઉપર આવેલ ઉટાકામંડ નામે હવા ખાવાના પર્વતીય સ્થાન પર ચંદનનાં પુષ્કળ વૃક્ષો થતાં હોવાને કારણે આ પર્વતને મલયાચલ પર્વત કહેવામાં આવે છે.  ચંદનની સુવાસ અને ઠંડકને કારણે અહીં પુષ્કળ સાપ રહે છે.  આ અદ્ભૂત વનપ્રદેશમાં અનેક તીર્થસ્થાન આવેલા છે.  આપે અગત્સ્ય મુનિના આશ્રમમાં દર્શનાર્થે પધાર્યા હતા.  બાજુમાં શ્રી હેમગોપાલજી ઠાકોરજીનું મંદિરમાં દર્શનાર્થે પધાર્યા ત્યારે ત્યાં હિંસક પ્રાણી હોવાને કારણે એ વિસ્તારમાં કોઈપણ સેવકને વનમાં ન મોકલવાની વિનંતી કરી. ત્યારે મહાપ્રભુજીએ એમને આશ્વાસન આપતા જણાવ્યું કે આપની કૃપાથી કોઈપણ હિંસક પ્રાણી એમના સેવકોનો વાળ વાંકો નહીં કરી શકે. શ્રી હેમગોપાલજીએ આપને  જણાવ્યું કે આપના દર્શનથી એમની ગરમી દૂર થઈ અને એમનું રોમરોમ શીતળ થઈ ગયું. આપ આ ક્ષેત્રમાં એક મહિનો રોકાયા.

શ્રી કૃષ્ણા નદી પરનાં બેઠકજી

krishna nadi ki bethakji

આંધ્ર પ્રદેશમાં આવેલી કૃષ્ણા નદીને કિનારે આવેલા પીપળાના વૃક્ષની નીચે આપે મુકામ કરી દામોદરદાસ હરસાનીને આપે માયાવાદી બ્રાહ્મણો સાથે શાસ્ત્રચર્ચા કરવા નિમંત્રણ આપવા કહ્યું.  આપના ભાગવત પારાયણના પ્રારંભના સમાચારથી ચારેય સંપ્રદાયના વૈષ્ણવો આપના દર્શનાર્થે આવ્યા.  ભાગવત સપ્તાહ પૂર્ણ થતા માયાવાદીઓનો સમૂહ આવ્યો અને આપની સાથે શાસ્ત્રચર્ચા કરી અને ભક્તિમાર્ગની સ્થાપના કરી.

શ્રી પન્નાનૃસિંહજીનાં બેઠકજી

આંધ્ર પ્રદેશમાં મંગલગિરી ગામ પાસે શ્રીપન્નાનૃસિંહજી ભગવાનનું મંદિર આવેલું છે. મંદિર પાસે આવેલા છોંકરના વૃક્ષની નીચે આપશ્રી બિરાજ્યા.  બીજા દિવસથી શ્રી નૃસિંહજી ભગવાનની વિનંતીથી  આપે ત્યાં શ્રીમદ ભાગવતજીનું પારાયણ કર્યું.

શ્રી લોહગઢ[ગોવા]ના બેઠકજી

વિદ્યાનગરથી શ્રીમહાપ્રભુજી લોહગઢ [હાલનું ગોવા] પધાર્યા. અહીંના રમણીય સ્થાન જોઈ છોંકરના વૃક્ષ નીચે આપ બિરાજ્યા. ત્યાં એક મોટી શિલા હતી જેની ઉપર  હાથીના પગનું ચિન્હ હતું.  આજુબાજુ ગાઢ વન આવેલું હતું અને ક્યાંયે જળાશય ન મળતા આપે જણાવ્યું કે પાસે તળાવ છે જ્યાં હાથીના પગ ચિન્હ વાળી મોટી શિલા હતી. આ શિલાની બાજુમાં બીજી એક મોટી શિલા હતી જેની નીચે એક ગુફા છે જેમાં ત્રણ કુંડ આવેલા છે. એક અપ્સરા કુંડ જેમાં રોજ સ્વર્ગની અપ્સરાઓ સ્નાન કરવા આવે છે.  બીજો ગંધર્વ કુંડ જેમાં રોજ ગંધર્વ સ્નાન કરવા આવે છે.  ત્રીજો દેવતા કુંડ જેમાં દર પૂનમના દિવસે ઈંદ્ર સહિત દેવતાઓ સ્નાન કરવા આવે છે. આપે અહીં શ્રી ભાગવતજીનું પારાયણ કર્યું. ત્યારબાદ આપ પંઢરપુર જવા રવાના થયા.

જૈ શ્રી કૃષ્ણ

આપણી બારાખડી કાંઈક કહે છે

ક– કહે છે કલેશ ન કરો
ખ – કહે છે ખરાબ ન કરો
ગ – કહે છે ગર્વ ન કરો
ઘ – કહે છે ઘમંડ ન કરો
ચ – કહે છે ચિંતા ન કરો
છ – કહે છે છળથી દૂર રહો
જ – કહે છે જવાબદારી નિભાવો
ઝ – કહે છે ઝઘડો ન કરો
ટ – કહે છે ટીકા ન કરો
ઠ – કહે છે ઠગાઇ ન કરો
ડ – કહે છે કયારેય ડરપોક ન બનો
ઢ – કહે છે કયારેય ‘ઢ’ ન બનો
ત– કહે છે બીજાને તુચ્છકારો નહીં
થ – કહે છે થાકો નહીં
દ – કહે છે દીલાવર બનો
ધ – કહે છે ધમાલ ન કરો
ન – કહે છે નમ્ર બનો
પ – કહે છે પ્રેમાળ બનો
ફ – કહે છે ફુલાઇ ન જાઓ
બ – કહે છે બગાડ ન કરો
ભ – કહે છે ભારરૂપ ન બનો
મ – કહે છે મધૂર બનો
ય – કહે છે યશસ્વી બનો
ર – કહે છે રાગ ન કરો
લ – કહે છે લોભી ન બનો
વ – કહે છે વેર ન રાખો
શ – કહે છે કોઇને શત્રુ ન માનો
સ – કહે છે હંમેશા સાચુ બોલો
ષ – કહે છે હંમેશા ષટ્કાયના જીવની રક્ષા કરો
હ – કહે છે હંમેશા હસતા રહો
ક્ષ – કહે છે ક્ષમા આપતા શીખો…! ♥♥
આપણો આ કક્કો પસંદ આવ્યો હોય તો Share કરી આપણી માત્રુ ભાષા દુનિયામાં ફેલાવવા જરૂર મદદ કરજો

ૐ નમઃ શિવાય

પાંડવયુગનો પુરાવો ધંધૂકા પાસેનું ભીમનાથ મહાદેવ

img_front

અમદાવાદથી ૧૨૫ કિ.મી.અને ધંધુકાથી ૧૫ કિ.મી. દૂર ભાવનગર રોડ પર ભીમનાથ ગામ આવેલુ છે. ૫૫૦૦ વર્ષ પહેલા કહેવાય છે કે અજ્ઞાતવાસ દરમિયાન પાંડવો અહીંયા આવેલા અને ગુપ્તવાસ દરમિયાન અહીયાં ભીમ મહાદેવની સ્થાપના કરી હતી. આ શિવ મંદિર શિખર વગરનું પ્રથમ મંદિર છે. એ વૃક્ષની નીચે આ મહાદેવની સ્થાપના કરેલી તે પણ ૫૫૦૦ વર્ષ જૂનું વરખડી (જાળ)નું વૃક્ષ પણ હાલ મોજુદ છે.

પૌરાણિક કથા મુજબ ભગવાન શિવજીમાં અતૂટ શ્રદ્ધા ધરાવતા અર્જુને મહાદેવની પૂજા કર્યા વિના જમવું નહી એવું વ્રત રાખ્યું હતું તેથી અજ્ઞાતવાસ દરમિયાન અહીંના જંગલમાં ક્યાંયે શિવલિંગ ન મળતા ભીમે શિવલિંગ આકારના પાષાણને જાળનાં વૃક્ષ નીચે સ્થાપિત કરી જંગલી ફૂલો ચઢાવીને અર્જુન અને કુંતીને આ સ્થળ બતાવી જણાવ્યું કે અહીં જ શિવલિંગ છે. શિવભક્ત અર્જુન ભાવવિભોર થઈને શ્રદ્ધાથી બાજુમાં વહેતી નદીમાંથી જળ લાવી શિવપૂજન કર્યું.

આજે પણ જે  પાષાણ પર પ્રહાર કરી શિવલિંગ બનાવી જાળનાં વૃક્ષની નીચે સ્થાપિત કર્યુ હતું  તે મોજુદ છે. આ જાળનાં વૃક્ષમાંથી ચૈત્ર માસમાં ખાંડ ઝરે છે જેનો ભાવિકો પ્રસાદ તરીકે ઉપયોગ કરે છે. આ સ્થળ એટલું સમૃદ્ધ હતું કે શિવાજી મહારાજે સુરતમાં અંગ્રેજો સામે લડાઈ કરવા માટે આર્થિક મદદ માંગી હતી. પ્રાચીન કાળમાં સૌરાષ્ટ્રનું મોટામાં મોટું અન્નક્ષેત્ર અહીંયા ચાલતું હતું. અહીંયા અનેક રાજા મહારાજા દર્શનાર્થે આવતા હતા.

—સંકલિત

ૐ નમઃ શિવાય

થોડું અજમાવી જુઓ

થોડું અજમાવી જુઓ

* પનીર બનાવ્યા બાદ બચેલા પાણીથી લોટ બાંધવો.

* મનીપ્લાન્ટના છોડવામાં ચાની ભીની ભુક્કી નાખવાથી પ્લાન્ટના પાન મોટા થશે.

* મિક્સરની બ્લેડને ધારદાર બનાવવા મિક્સરમાં જાડું મીઠું ફેરવો.

* કોથમીરનાં ડાખળાને તડકામાં સુકવી ગરમ મસાલો બનાવતી વખતે તેમાં ઉમેરવાથી વાનગીનો અનેરો સ્વાદ આવશે.

* બટાટાનો રસ અને લીંબુનો રસ ભેળવી ચહેરા પર લગાડવાથી તડકાને કારણે કાળી પડેલી ત્વચાની કાળાશ દૂર થશે.

* નખને ચમકીલા બનાવવા નખ પર લીંબુની છાલ રગડો.

* મુખની દુર્ગંધ દૂર કરવા દાડમની છાલને પણીમાં ઉકાળી પાણી હુંફાળું થાય ત્યારે તે પાણી ને થોડીવાર મોંમા રાખી કોગળા કરવા.

* ફ્લાવરનું શાક બનાવતી વખતે તેમાં ૧ ચમચી સફેદ સરકો ઉમેરવાથી તેની ગંધ દૂર થશે.

* ઢોસા બનાવતી વખતે તેના ખીરામાં અડધુ લીંબુ નીચોવવાથી ઢોસા કરકરા ઉતરશે.

* ગરમ પદાર્થ ખાવાથી જો જીભ દાઝી ગઈ હોય તો એક ચપટી સાકર ચૂસવાથી રાહત થશે.

* કરીનો મૂળ રંગ સાચવી રાખવા તેમાં તેમાં થોડી છાશ ઉમેરો.

* ડાઈનિંગ ટેબલ પર ંઅખીનો ઉપદ્રવ દૂર કરવા થોડા ફૂદીનાના પાન પાથરી દો.

* કરકરા ભજીયા બનાવવા તેનાં ચણાનાં લોટના ખીરામાં થોડો કૉર્ન ફ્લોર અથવા ચોખાનો લોટ ઉમેરો.

ૐ નમઃ શિવાય

સુવિચારોને મેળે

આજે પ્રબોધિની એકાદશી

સુવિચારોને મેળે

*    કડવાશ મનમાં કટુતા પેદા કરે છે જેનું વૃક્ષ હંમેશા પલપતું રહે છે. અન્ય પ્રત્યેનો કાયમી તિરસ્કાર નુકશાનકારક છે. હૃદય એક સુંદર બગીચો છે જેમાંથી અનિચ્છનીય ઝાડી-ઝાંખરાની નિયમીતપણે સાફ સફાઈ જરૂરી છે. કોઈના અનપેક્ષિત વર્તનને માફી અપાશે તો હૃદયમાં સારી બાબતો રાખવાની જગ્યા થઈ જશે.

*    સાચી અને સારી સ્મરણ શક્તિ એ છે જે નક્કમી અને નઠારી વાતો પલક મારતા જ ભૂલાવી શકે.

*    દુશ્મનીથી જે ડરે છે તેને કદી સારા તેમજ સાચા મિત્ર નથી મળતા.

*    માણસને એકલતાની પીડાથી મુક્ત થવું હોય તો પોતીકા જ નહીં પરંતુ પારકા પ્રત્યે પણ સંવેદના દાખવવા સમય કાઢવો પડે છે.

*    માનવીની ચેતના એના અસ્તિત્વને સર્જતી નથી પરંતુ સામાજિક અસ્તિત્વ એની ચેતનાને નિર્ણિત કરે છે.

*    આનંદનું એક અજીબ ગણિત છે જ્યારે એના ભાગલા પાડી વહેંચો એટલો જ ગુણાકાર થાય છે.

*    આફત જ આપણને અડીખમ ઊભા રહેતા શીખવે છે.

*    અયોગ્યને કોઈ યોગ્ય લાગતું નથી ને યોગ્યને કદીયે કોઈ અયોગ્ય લાગતું નથી.

*    આજની ભૂલ સમય વીતતાં આવતી કાલે અનુભવ બની જાય છે.

—સૌજન્યઃ ચિત્રલેખા

ૐ નમઃ શિવાય