મિજાજ શાયરાના

                        આજે વૈશાખ સુદ છઠ

આજનો સુવિચાર :- ભોજનમાં ભક્તિ ભળે ત્યારે પ્રસાદી બને
                                      શબ્દોમાં ભક્તિ ભળે ત્યારે પ્રાર્થના બને.

હેલ્થ ટીપ:- મૂત્રવરોધની તકલીફ દૂર કરવા પાણી સાથે લવિંગનો ભૂક્કો ખાવાથી ફાયદો થાય છે.

મિજાજ શાયરાના – મુકેશ જોષી

1] બસ એ જે સંબંધો સાચા,
જેની પાસે સ્વયં ખૂલતી હોય વાચા….

2] જાત નથી દેખાતી સરખી જગ દેખાતું ઝાંખું,
મને થાય છે ચશ્માં કાઢી તમને પહેરી રાખું,

3] હાથ જોડાતા પરંતુ માગવામાં
પ્રાર્થનાને આ હદે મેલી મેલી કરો છો?

4] હરિ હવે હું થાક્યો છું,
કાંટો પાકે પગમાં જેવો,
એવો હું પણ પાક્યો છું.

5] જે રીતે તમે રેતી ભેગી કરો છો,
થાય છે રણની તમે ખેતી કરો છો.

6] પ્રેમમાં ક્યાં જાણકારી જોઈએ,
બસ હૃદય વચ્ચે કટારી જોઈએ,
આપણા ઘરમાં જ હો ચાલે નહીં
એમના ઘરમાંય બારી જોઈએ.

7] કોઈ કોઈને પૂછે: તું હિન્દુ કે મુસ્લિમ કોમનો,
હવે બધાએ ભળી જવાનું હવે જમાનો ડોટ કોમનો….

8] ઘણીવાર ‘માઁ’ની આંખોમાં એના પગલાં પડતાં રે,
‘માઁ’ના હાથ અડેને ત્યારે એ પણ હળવે અડતા રે…

                                             — સૌજન્ય – જન્મભૂમિ

                        

                               ૐ નમઃ શિવાય